web counter
LEXO PA REKLAMA!

SHKARKO APP

App Store
Google Play

“Të vetët i ka në burg”/ Shehaj: Drejtësia te ‘peshqit e mëdhenj’, prandaj Rama po reagon

18 Shkurt 2026, 21:13, Politikë CNA

“Të vetët i ka në burg”/ Shehaj: Drejtësia te

Deputeti dhe kreu i Partisë Mundësia, Agron Shehaj akuzoi sot kryeministrin Edi Rama se po përpiqet të bëhet pengesë për drejtësinë në luftën kundër korrupsionit.

I ftuar në emisionin ‘Now’, Shehaj theksoi qëndrimin e tij se Rama po reagon fuqishëm vetëm tani që drejtësia po shkon te njerëzit e tij më të afërt politikisht, ndaj të cilëve po shfaq edhe mbrojtje publike.

“Ne shprehëm shqetësimin tonë në lidhje me pengesën që Edi Rama po bën për luftën kundër korrupsionit. Është e qartë se tani që drejtësia po shkon tek peshqit e mëdhenj, siç thuhej para disa vitesh në këtë formë për të treguar që drejtësia nuk e kishte seriozisht dhe nuk ishte bindëse në punën që po bënte kundër korrupsionit, tani që ka ardhur te njerëzit më të afërt të tij, Edi Rama po reagon. Po del e vërteta në lidhje me drejtësinë. Për Ramën, drejtësia ishte e mirë dhe duhej mbështetur, për sa kohë merrej vetëm me opozitën. Ditën që filloi të merrej me Veliajn. Drejtësia ka marrë të pandehur, disa prej tyre ehe i ka arrestuar. Janë njerëzit më të afërt të Edi Ramës. Mos flasim për drejtorët pafund. Plus kësaj, Rama tha se nuk mbron askënd, por zbuluam se i mbron që çke me të. Sulmet nuk janë thjesht manovra, por mënyra për t’i vënë fre drejtësisë”,-tha Shehaj./CNA





Lajmet e fundit nga