Draft-raporti për Shqipërinë/ Parlamenti Europian kërkon hetime dhe dënime të zyrtarëve të korruptuar

19 Shkurt 2026, 11:03, Politikë CNA

Draft-raporti për Shqipërinë/ Parlamenti Europian kërkon

Draft-raporti i Komisionit të Jashtëm të Parlamentit Europian për Shqipërinë për vitin 2025 është bërë publik.

Një nga pikat kryesore të këtij draft-raporti është shteti i së drejtës, Gjyqësori dhe lufta kundër korrupsionit.

Në këtë pikë theksohet qartazi se Komisioni i Jashtëm i Parlamentit Europian ka përshëndetur dhe vlerësuar vijimin e reformës në drejtësi dhe procesin e vetingut.

Po ashtu i mëshon faktit se korrupsioni mbetet shqetësim serioz duke kërkuar forcim të hetimeve dhe dënimeve, sidomos në nivele të larta.

Komisioni i Jashtëm i Parlamentit Europian insiston në adresimin e korrupsionit në të gjitha nivelet për të rritur besimin e qytetarëve.

Gjithashtu theksohet rëndësia e luftës kundër krimit të organizuar dhe bashkëpunimit me agjenci të BE-së si Europol dhe Eurojust.

“Shteti i së drejtës, Gjyqësori dhe lufta kundër korrupsionit

1. Përshëndet vijimin e reformës në drejtësi dhe procesin e vettingut; vëren sfida si vonesat në çështje dhe përpjekjet për ndikim të padrejtë;

2. Kërkon forcimin e organeve të qeverisjes së drejtësisë dhe investime në infrastrukturë e dixhitalizim;

3. Thekson se korrupsioni mbetet shqetësim serioz dhe kërkon forcim të hetimeve dhe dënimeve, sidomos në nivele të larta;

4. Insiston në adresimin e korrupsionit në të gjitha nivelet për të rritur besimin e qytetarëve;

5. Thekson rëndësinë e luftës kundër krimit të organizuar dhe bashkëpunimit me agjenci të BE-së si Europol dhe Eurojust”, thuhet në draft-raportin e PE-së për Shqipërinë.