web counter
LEXO PA REKLAMA!

SHKARKO APP

App Store
Google Play

E fundit!

x

"Liria ka emër"/ Rama ndan fjalimin e Hashim Thaçit në Hagë

18 Shkurt 2026, 21:42, Politikë CNA

"Liria ka emër"/ Rama ndan fjalimin e Hashim Thaçit

Kryeministri Edi Rama ka ndarë në rrjetet sociale një pjesë nga fjala e ish-presidentit të Kosovës, Hashim Thaçit në ditën e fundit të gjyqit në Hagë. Rama e ka shoqëruar videon e fjalimit të Thaçit me mbishkrimin “Liria ka emër”.

Gjatë fjalës së tij në seancë, Thaçi uroi Pvarësinë e Kosovës, ndërsa u shpreh se e vetmja e vërtetë në gjithë procesin gjyqësor ndaj tij është se akuzat nuk qëndrojnë. Ai theksoi se është plotësisht i pafajshëm. 

Fjalimi i Thaçit:

Dje në Kosovë u shënua 18-vjetori i Pavarësisë së Republikës së Kosovës. Dëshiroj që sot nga kjo sallë të përcjell urimet më të përzemërta të gjithë qytetarëve të Republikës së Kosovës, për këtë festë madhështore.

Është vetëm një e vërtetë, që akuzat nuk qëndrojnë. Unë jam plotësisht i pafajshëm, por e kam thënë dhe e them sërish me bindje të plotë: Unë bashkëndjej dhe shpreh keqardhje për të gjitha viktimat që kanë pësuar në Kosovë, pa marrë parasysh përkatësinë e tyre etnike.

Është e rëndë ta dëgjosh këtë akuzë, veçanërisht kur gjatë luftës unë nuk e dija nëse do të isha gjallë prej orës në orë e prej ditës në ditë.

Unë nuk isha i sigurtë nëse do të shihja familjen time, gruan time e djalin e sapolindur, e lëre më të ëndërroja të ushtroja kontroll në Kosovë, në Kosovën e pushtuar plotësisht për rreth 90 vite, por Kosova ishte më e rëndësishme sesa fati im personal.

Unë jam kritikuar shumë dhe kritikohem ende në Kosovë pse e mbështetë themelimin e kësaj gjykate. Kritikët thonë se kjo gjykatë synon kriminalizimin e luftës sonë për liri dhe idenë e pavarësisë. Këtë nuk e kam besuar në atë kohë kur e votuam, por uroj sinqerisht që koha të dëshmojë që unë kisha të drejtë e kritikët e kishin gabim.

Kjo prokurori, në vend që të heqë renë e zezë Kosovës, kërkon t’ia zërë diellin me një stuhi të zezë, të ashtuquajturën 'ndërmarrje e përbashkët kriminale'. /CNA





Lajmet e fundit nga