web counter
LEXO PA REKLAMA!

SHKARKO APP

App Store
Google Play

E fundit!

x

GJUHA E RAMËS NË FUSHATË / Halimi: Fjala autik e patolerueshme, term etiketues dhe dhunues

22 Prill 2025, 18:25, Politikë CNA

GJUHA E RAMËS NË FUSHATË / Halimi: Fjala autik e patolerueshme,

“Këneta”, “bufi”, “çyryk”, “shihni fotot e mia nudo në internet”, e së fundmi “politikisht autik”, janë disa fjalët e shprehjet e përdorura nga kryeministri, njëkohësisht kryetari i PS Edi Rama gjatë fushatës elektorale.

Një gjuhë e cila ka vrarë jo pak veshin e shqiptarëve, e mbase edhe të evropianëve.

“Kush nuk voton PS, është autik politik”, është kjo shprehja e përdorur nga Rama në një takim të martën duke përdorur termin në një kontekst përçmues.

Lidhur me këtë zhvillim, psikologia Arbjola Halimi në një reagim për CNA është shprehur:

“Fjala “Autik” është e patolerueshme. Themi Fëmijë me Autizëm. Ndërsa termi është etiketues dhe dhunues. Po ashtu qëndrimi im politik është se kur fillohet me shprehje që shprehin ekstremizma në mesazhet që japin, duke fyer edhe elektoratin, do të thotë që e ke ndjerë me kohë humbjen”- ka thënë Halimi.

Autizmi është një spektër çrregullimesh që prek mënyrën sesi individët komunikojnë, ndërveprojnë dhe perceptojnë botën.

Nuk është një sëmundje, por një mënyrë ndryshe e të qenit, që kërkon mirëkuptim, përkrahje dhe përfshirje shoqërore – e për të qëndruar te shoqëria, kjo e fundit, bullizmin po e dënon çdo ditë./ CNA





Lajmet e fundit nga