web counter
LEXO PA REKLAMA!

SHKARKO APP

App Store
Google Play

E fundit!

x

Gert Bogdani sulmon PD-në dhe demokratët/ Humbësi nuk njeh as Primaret në të cilat garoi

5 Janar 2023, 13:30, Politikë CNA
Gert Bogdani sulmon PD-në dhe demokratët/ Humbësi nuk njeh as
Gert Bogdani gjatë fushatës në Primare

Gerti Bogdani, i cili garoi në Primare si kandidat i inceneratorëve, e tashmë pasi ka humbur bindshëm thuajse nuk i njeh Primaret.

Në një intervistë në "Ora News", Bogdani është shfaqur i mllefosur kundër Partisë Demokratike, dhe ekzistencës për më shumë se 30 vite tashmë.

Ai ka hedhur poshtë demokratët, duke treguar se interesi i tij nuk ka qenë PD-ja dhe bashkimi saj, por diçka tjetër përtej PD-së.

Gert Bogdani sulmon PD-në dhe demokratët/ Humbësi nuk njeh as
Gert Bogdani, duke votuar në Primare

Sipas Bogdanit, opozita duhet të bashkohet në të mirë të shqiptarëve jo thjesht në të mirë të demokratëve, se është Shqipëria ajo që po vuan.

“Nëse mbyllim sytë përballë problemeve nuk jemi duke i parë problemet siç duhet. Nuk është çështje vule, por çështje vullneti. Nëse ka vullnet real politik është për t'u bashkuar në të mirë të shqiptarëve jo thjesht në të mirë të demokratëve, se është Shqipëria ajo që po vuan”, është shprehur ai.

Bogdani ka sulmuar PD-në, duke zhvlerësuar kështu forcën më të madhe politike opozitare aktualisht në vendin tonë.

“Opozita duhet të gjejë forcën për t'u bashkuar kundër kësaj të keqe të madhe, duhet ta shohë si mision bashkimin jo si një gjë për ekzistencën e vet. Në fund të ditës opozita është shumë më e madhe se PD-ja.
Është çdo qytetar që vuan vjedhjen dhe krimet e kësaj qeverie. Opozita duhet t'i japë drejtim, zgjidhje dhe një kanalizim të gjithë gjësë, por kjo mungon dhe shpresoj që një gjë të tillë ta kemi në 2023-shin”, ka deklaruar Bogdani.

Risjellim në vëmendje se është Gert Bogdani i njëjtë që është shfaqur në krah të Mirel Mërtirit, në Zimbabve.

Gert Bogdani sulmon PD-në dhe demokratët/ Humbësi nuk njeh as
Gertt Bogdani dhe Mirel Mërtiri në Zimbabve (personat e rrethuar me të kuqe)

Kurrë nuk e ka sqaruar se çfarë bënte në krah të Mirel Mërtirit, a është paguar nga Mirel Mërtiri, i ka shërbyer Mirel Mërtirit apo kompanive të inceneratorëve si "Geogenix" apo "Integrated Energy" që në fakt është e njëjta kompani.

Kandidati i inceneratorëve, i cili u ndëshkua nga demokratët në Primare, tani del dhe flet kundër tyre dhe kundër PD-së që i hapi dyert dhe e futi në garë, pavarësisht lidhjes me njerëzit e inceneratorëve./CNA.al





Lajmet e fundit nga