web counter
LEXO PA REKLAMA!

SHKARKO APP

App Store
Google Play

E fundit!

x

Stafi i Bashkisë së Tiranës kushton 90 milionë dollarë/ Topollaj: Veliaj e trajton buxhetin si karburant elektoral

4 Janar 2023, 12:10, Politikë CNA

Stafi i Bashkisë së Tiranës kushton 90 milionë dollarë/

“Bashkia Tiranë ka monopolizuar gjithë pushtetet në duart e kryetarit, aq sa Këshilli Bashkiak ka dalë në një rol dytësor dhe është kthyer në një noter të vendimeve të kryetarit të bashkisë”.

Kështu është shprehur anëtari i Këshillit Bashkiak Tiranë, Fabian Topollaj.

Në studion e "MCN Live", Topollaj tha se ka rreth 4 vite që për faj të partive opozitare të asaj kohe që menduan se shpikën rrotën, duke mos hyrë në zgjedhje, kanë bërë që të gjitha pushtetet të përqendrohen në duart e një partie.

Sipas tij, buxheti nuk hartohet dhe nuk miratohet sipas procedurave të miratuara në ligj, por se buxheti duhet të hartohet në konsultim me qytetarët.

“Rregulli është që muaj më parë, kryetari i bashkisë duhet të hartojë konsultimin me projektbuxhetin me qytetarët. Edhe në Këshillin Bashkiak, u është prezantuar anëtarëve të tij vetëm pak ditë para se të miratohej.

Ky është shpërdorim i pastër detyre dhe Këshilli Bashkiak thuajse nuk e ka diskutuar fare. Jam njohur vetëm disa ditë para se të kalonte në Këshill Bashkiak, kjo mënyrë funksionimi antiligjore është kthyer në rrugë.

Këshilli Bashkiak i Tiranës është i vetmi institucion që nuk u mblodh për një vit e gjysmë, me justifikimin e pandemisë. Dhe mbledhjet dhe votimet bëheshin me email, duke hequr mundësinë e diskutimit.

Këto akte mund të rrëzohen në gjykatë, vetëm se nuk janë diskutuar. Në pandemi edhe arsimi fillor zhvillonte mësim me 'Zoom', Këshilli Bashkiak nuk bëri asnjë mbledhje të tillë, se Erion e Veliaj e konsideron veten si noter.

Është bërë traditë nga ana e Erion Veliajt, që buxheti trajtohet si një karburant elektoral nga ana e Erion Veliajt, për të kuptuar se funksionon kështu, mjafton të ndajmë zërat”, ka thënë Topollaj.

Stafi i Bashkisë së Tiranës kushton 90 milionë dollarë/

Sipas tij, në total buxheti i Bashkisë Tiranë është 28.8 miliardë lekë, rreth 280 milionë dollarë dhe shpenzimet janë të ndara në mënyrë të barabartë mes pagesave të personelit, vetëm 1/3 e tij shkon për investime që shkojnë për qytetarët.

Ndërsa 90 milionë dollarë shkojnë për të paguar vetëm stafet e Bashkisë Tiranë, është një shumë e frikshme në vit.

“I bie të ketë më shumë se 13 mijë punonjës Bashkia Tiranë. Administrata është shumë e fryrë, se janë një makineri e madhe elektorale.

Shpenzimet operative janë rreth 90 milionë dollarë të tjera, është një shifër jashtëzakonisht e lartë dhe vetëm 1/3 rreth 90 milionë dollarë janë investime.

Plus 85 milionë dollarë nuk janë shpenzuar buxhetin e kaluar, futemi në faktin se Bashkia Tiranë i keqpërdor këto fonde. Se janë fonde që janë kaluar të shpenzohen këtë vit. Reflekton keqmenaxhim të fondeve në mënyrë shumë të hapur dhe skandaloze. Buxheti i Bashkisë Tiranë, nuk është në fokusin e diskutimit publik”, është shprehur më tej Topollaj./CNA.al





Lajmet e fundit nga