Gara e fortë në Devoll/ Kush do të triumfojë në 14 maj?

12 Maj 2023, 12:55, Politikë CNA

Gara e fortë në Devoll/ Kush do të triumfojë në 14 maj?

Bashkia Devoll

Në juglindje gara më e fortë për zgjedhjet e 14 majit pritet të jetë ajo e Bashkisë së Devollit. Kjo për arsye se demokratët e kësaj bashkie në këto 32 vite kanë qeverisur më gjatë pushtetin lokal. Në të gjithë qarkun Bashkia e Devollit është e vetmja që njihet si bastion i djathtë.

Në zgjedhjet lokale të vitit 2015, Bledjon Nallbati arriti të fitojë bashkinë me një diferencë 170 votash, ndërsa në zgjedhjet parlamantare të vitit 2017 Partia Demokratike pati një diferencë prej 2800 votash ndaj Partisë Socialiste, diferencë e cila u ngushtua në 187 vota në zgjedhet e vitit 2021.

Koalicioni "Bashkë Fitojmë" do të perfaqësohet në këto zgjedhje me kandidatin Elvis Hajdërlli, i cili ka qenë i angazhuar prej vitesh në politikë duke mbajtur poste të ndryshme ku më i fundit ishtë posti i kryetarit të Degës së Partisë Demokratike të Devollit.

Gara e fortë në Devoll/ Kush do të triumfojë në 14 maj?

Në takimet që ka zhvilluar me demokratë dhe banorë të Devollit ai është ndalur në disa problematika duke bërë edhe premtimet e tij elektorale. Keto premtime lidhen me ndërtimin e terminalit për mjetet e transportit publik, tarifa të ulëta për qytetarin, biznesin e vogël e të mesëm, rikonstruksionin e markatës ekzistuese dje po ashtu rikthimin e Ndërmarrjes së Ujësjellës Kanalizimeve të Bashkisë Devoll. Për Hajdërlliun të jesh qytetar i parë është përpjekje, sfidë dhe mbi të gjitha mision. Në rast fitore Elvis Hajdërlli do të ushtrojë mandatin e tij të parë si kryebashkiak.

Nga ana tjeter Eduard Duro kërkon një mandat të dytë në krye të Bashkisë së Devollit. Karriera e Duros ka filluar që prej vitit 1994 në kampin e të majtëve. Prej më shumë se 20 vitesh ai ka qenë pjesë e profesionit të ekonomistit, ndërsa si kryebashkiak ka investuar në shumë zona të Devollit me qëllim përmirësimin e problematikave të tyre.

Gara e fortë në Devoll/ Kush do të triumfojë në 14 maj?

Në programin e tij, Duro ka drejtuar fokusin për infrastrukturën dhe zhvillimin urban, zhvillimin ekomomik, bujqësinë, trashëgiminë kulturore dhe turizmin. Prioritetet kryesore të tij do të jenë rehabilitimi i rrugëve në zonat rurale, ujësjellësit dhe kanalet ujitëse.

Po ashtu nëpërmjet investimeve në sektorin e agroturizmit dhe trashëgimisë kulturore ai synon të zhvillojë më tej turizmin pasi Devolli është një zonë me atraksione turistike që premton shumë për vizitorët.

14 maji do të vendosë nëse demokratët do të rikthehen fuqishëm ndërsa pritet që gara e kësaj bashkie të jetë më e forta në qarkun juglindor./ CNA.al