web counter
LEXO PA REKLAMA!

SHKARKO APP

App Store
Google Play

“Fushatë me thonj në fyt”/ Berisha, për kandidatin e PS-së në Pukë: Kujdeset vetëm për pronat e tij

30 Prill 2023, 14:35, Politikë CNA
“Fushatë me thonj në fyt”/ Berisha, për kandidatin e
Ish-kryeministri Sali Berisha

Drejtuesi i koalicionit “Bashkë Fitojmë “, Sali Berisha, ka akuzuar kandidatin e PS-së në Pukë, Gjon Gjoni, duke thënë se ka kryer shumë vjedhje.

Berisha ka deklaruar se Gjoni kujdeset vetëm për pronat e tij dhe se Pukën e ka sjellë vërdallë hotelit të tij.

Sipas ish-kryeministrit, fushata e Gjon Gjonit në Pukë është t'i fusë thonjtë në fyt qytetarit.

“Nuk do të ndalesha kaq shumë, por rivali i Rrokut, është Gjoni. Më falni. Ne kemi qenë një pjesë jona, kanë jetuar diktaturën.

Burgjet më të zeza, skuadra pushkatimi, kampe përqendrimi, por t'ju them të vërtetën, kurrë ndonjëherë ne nuk kemi parë një kryetar të Komitetit Ekzekutiv që të dalë t'i fusë thonjtë në fyt qytetarit, siç bëri Gjon Gjonaj këtu në Pukë. A keni parë ndonjëherë ju. Kësaj i thonë fushatë me thonj në fyt të tij.

Gjon, ti në atë moment, po të të kishte ngelur qoftë edhe një miligram dinjitet njerëzor, duhej të largoheshe nga skena. Por nuk të lënë të largohesh vjedhjet që ke kryer ti. Se ke kaq vite këtu që kujdesesh vetëm për pronat e tua, se Pukën e solle vërdallë rreth hotelit tënd.

Se ndërtove shtëpitë gjoja sociale dhe kujt ia dhe, kryetarit tënd të këshillit. A keni dëgjuar ndonjëherë atë kryetarin apo Gjonin të flasë për ju? Ai rri në Tiranë, shtëpinë e jep me qira si hotel.

Pse u ndala në këtë shembull. U ndala për të thënë se këta janë njëlloj, një sekt që absolutisht kjo tokë nuk e ka pasur kurrë të tillë”, tha Berisha./ CNA.al





Lajmet e fundit nga