web counter
LEXO PA REKLAMA!

SHKARKO APP

App Store
Google Play

E fundit!

x

FOTO EKSKLUZIVE/ BE në komisionin e përgatitjes së draft-Kodit të ri Penal

4 Gusht 2025, 19:43, Politikë CNA

FOTO EKSKLUZIVE/ BE në komisionin e përgatitjes së draft-Kodit

Debati në lidhje me draft-Kodin e ri Penal të Shqipërisë ka dalë tashmë përtej tryezave të ekspertëve. Ka shkuar te media, gazetarët, institucionet dhe vazhdohet të bëhet ajo që duket si shantazh, presion, lojë politike, lobing, me interesa e intriga, që të gjitha u bashkuan te draft-Kodi i ri Penal, menjëherë pas vendimit të Gjykatës së Lartë për të lënë në burg kryebashkiakun e Tiranës, Erion Veliaj.

FOTO EKSKLUZIVE/ BE në komisionin e përgatitjes së draft-Kodit
Kodi Penal aktual në Republikën e Shqipërisë

Të jetë e rastësishme? Në politikën në Shqipëri nuk ndodh kështu.

Dikush mund të thotë se është një draft-Kod i keq, por askush nuk mund të thotë se Shqipëria nuk ka nevojë për një Kod të ri Penal. Dikush tjetër thotë se BE nuk ka qenë në dijeni.
Në fakt, ne po sjellim këto dy foto, ku e pranishme është edhe Agnes Bernhard, përfaqësuese e hershme e misionit të BE-EURALIUS për asistencën në drejtësi, së bashku me Idlir Pecin, pjesë edhe ky e këtij misioni.

FOTO EKSKLUZIVE/ BE në komisionin e përgatitjes së draft-Kodit
Në foto: përfaqësuesja e BE-EURALIUS, Agnes Bernhard, Idlir Peci dhe të pranishëm të tjerë

Pra, këto foto të shtatorit të vitit 2023 na tregojnë se që në atë kohë BE ka qenë në dijeni dhe me përfaqësuesit e saj më afatgjatë në vend, njerëzit të cilët kanë kontribuuar edhe në reformën në drejtësi. Gënjeshtra e thënë se BE-ja nuk ka qenë dijeni, e po ashtu edhe ndërkombëtarët, këtu sjellin disa pikëpyetje të tjera.

Si ka mundësi që një zyrtare e BE-së dhe përfaqësuese e EURALIUS, shkon e merr pjesë në komision? Duket se Kodi diskutohet i projektuar, jep vlerësime mjaft të qenësishme, jep një kontribut mjaft me vlerë, por zyrtarët e BE-së në Tiranë duket se kthehen pastaj në qesharakë. Këto foto i bëjnë edhe më shumë.

CNA raportoi se janë qesharakë për një fakt të thjeshtë; një herë flasin ndryshe, e një herë ndryshe dhe tani fotot na tregojnë se përfaqësuesit e BE-së kanë qenë pjesë dhe njerëz me kontribute mjaft të rëndësishme, jo vetëm të Kodi, por edhe te reforma në drejtësi.

Shkojmë më tej. Përtej debatit dhe sulmeve ndaj draft-Kodit, ai është një dokument pune dhe kjo është e thjeshtë. Kush është shqetësuar nga zyrtarët e BE-së? Kush e bëri Olsian Çelën të kërcente nga belaja dhe të gënjente publikisht.

Për këta të parët, të BE-së, është mjaft e thjeshtë. Duan projekte, të marrin fonde me dhjetëra e miliona euro dhe pastaj t’i kthejnë në xhepat e administratës e zyrtarëve të tyre, për të na thënë siç e kemi përsëritur shpesh se rakia bëhet nga rrushi.

Patjetër që Kodi i ri Penal duhet të marrë “bekimin” e BE-së.

Por ky nuk është Kod, është thjesht një draft-Kod, një dokument pune që do të sqarohet derisa të marrë formën më të mirë sipas kërkesës së bërë nga BE-ja. Janë vetë zyrtarët e BE-së që i kanë kërkuar Shqipërisë që të miratojë një Kod të ri Penal deri në fundin e vitit 2026 dhe të fusin në diskutim një Kod Civil po brenda këtij viti. Tani ekspertët janë në tavolinë, përfaqësuesin BE-ja e ka. Pse reagojnë dhe një herë thonë se kanë qenë, një herë thonë se nuk kanë qenë? Thjesht për të marrë ca fonde, siçe përmendëm më lart.

Në lidhje me Prokurorin e Përgjithshëm, është i qartë se ai e ka pasur përfaqësuesin e tij. Doli dhe u distancua, kur duhet të bënte krejt të kundërtën. Duhet të mblidhte ekspertët, të bënte komentet dhe në rast se i pranoheshin, do ishte shumë mirë në rast se i pranoheshin. Mund të vazhdonte kontestimet e tij në grupet parlamentare, në grupet e ekspertëve dhe të interesit, ku do të diskutohej. Por edhe me këtë diçka cedoi.

I vetmi person që mbajti një qëndrim serioz ishte Altin Dumani, kreu i SPAK-ut, i cili tha se nuk kanë qenë pjesë e hartimit. Dhe e vërteta është se SPAK nuk ka qenë.

“Do e shohim, do bëjmë komentet tona, do t’i çojmë t’i vlerësojmë, për të pasur një Kod sa më të mirë”,-tha Dumani.

Në fund, lind një pyetje. Zyrtarja e BE-së është në tryezë, ndërkohë që përfaqësuesi i BE-së në Tiranë mbajti dy qëndrime kontradiktore. Prokurori i Përgjithshëm doli dhe u distancua. Mediat, në bashkëpunim të ngushtë më Erion Veliajn dhe që kanë segmente lidhjeje me Olsian Çelën, po vazhdojnë e po luftojnë kundër draft-Kodit.

Mos vallë përtej fotove, që na tregojnë shumë, ka ndonjë skenar tjetër? Kur dikush pas hekurave po lufton Kodin e ri Penal për të luftuar Edi Ramën. Dhe duke qenë se nuk mundet të godasë kryeministrin, ka gjetur si shënjestër Ulsi Manjën.

Janë të njëjtët njerëz që luftuan kundër SPAK-ut, që çfarë nuk shpifën për prokurorët e këtij institucioni, që çfarë nuk thanë me gënjeshtra për Erion Veliajn e që janë angazhuar njëkohësisht kundër ‘luftës’ ndaj draft-Kodit të ri Penal. Përdorën si armë zyrtarët e BE-së. Ja ku i kanë në foto. E morën dhe e keqpërdorën Prokurorin e Përgjithshëm. Doli me fakte e dokumente se është zbuluar, pasi ka qenë në dijeni. Merren me copëza dhe jo me thelbin.

A ka ky draft-Kod i ri problematika? Po, patjetër. A ka shqetësime? Pa asnjë diskutim. A po kërkohet të hiqet shpërdorimi i detyrës, shkelja e barazisë së tenderave, problematika të tjera, ku dikush nga debati mund të ishte pro e dikush kundër? Pa asnjë diskutim.

Por përgjigjja për pyetjen ‘Pse po sulmohet?’ është mjaft e thjeshtë.

Sepse po sulmohet një dokument pune, që nuk është hedhur ende në tryezat e tjera të ekspertëve, të përfaësuesve të drejtësisë, që të japin me mendimet e tyre lidhur me çfarë duhet zbutur apo çfarë nenesh duhet të kenë dënime më të rënda, sesi përshtatet me realitetin shqiptar, si duhet shkuar që të jetë i pranueshëm nga BE-ja. Por, kjo bëhet hap pas hapi dhe jo tani. 

Tani do të dëgjojmë vetëm gënjeshtra.

Si fakti që nuk kishim përfaqësues të BE-së, si fakti që nuk ka pasur ekspertë të tjerë, por janë vetëm këta njerëzit në tavolinë, kur në fakt e vërteta është se ka pasur me dhjetëra ekspertë të thirrur në tavolinë, kanë dhënë mendimet e tyre dhe kanë dalë në një produkt, që tashmë do të merret dhe do të përpunohet për të dalë në versionin e vet final. Dhe nuk është Kod Penal, as projekt-Kod siç përmendet, por një draft, një dokument pune. Do të ketë ndryshime të pafundme, veçse rrugës do dëgjojmë gënjeshtra, sulme, akuza, anatemime, të cilat duket qartazi se vijnë nga e njëjta vijë mediatike nga ku kalon edhe Erion Veliaj./CNA





Lajmet e fundit nga