web counter
LEXO PA REKLAMA!

SHKARKO APP

App Store
Google Play

E fundit!

x

Qyfyret e BE-së

2 Gusht 2025, 15:57, Politikë CNA

Qyfyret e BE-së

Më 25 korrik u prezantua drafti i Kodit Penal, i cili ka shkaktuar një sërë debatesh dhe reagimesh kundër, pa kuptuar në fakt se ai që u prezantua nuk ishte Kodi Penal, por një dokument pune i hartuar nga një grup ekspertësh, i cili më pas do të diskutohet në tryeza.

Së fundi në një reagim për mediat, zyra e BE-së ka dalë me dy qëndrime të ndryshme.

Një herë thuhet “Nuk ishim pjesë e hartimit të draftit, bëni konsultim gjithëpërfshirës me të gjitha institucionet e Drejtësisë” dhe në një tjetër reagim thuhet: “Jemi të shqetësuar, ndryshimet s’janë në përputhje me standardet tona!”

Çfarë do të thotë kjo?

Kjo që bën ambasadori i BE-së, Silvio Gonzato, në Shqipëri është të jesh një karagjoz, jo një diplomat europian sepse ka dhënë dy qëndrime të kundërta me njëra-tjetrën.

Direktiva ektiva e BE-së është që brenda vitit 2026 Shqipëria duhet të miratojë Kodin e ri Penal dhe duhet të fillojë puna për Kodin Civil.

Është direktivë e BE-së që deri në fund të 2026 duhet të përfundojë.

Çfarë ndodh?

Mblidhen një grup ekspertësh dhe bëjnë një draft pune për Kodin Penal. Duke qenë se përfaqësuesit e BE në Shqipëri nuk janë përfshirë vetë në hartimin e këtij drafti fillojnë dhe e kritikojnë.

Pse e kritikojnë?

Mos vallë qëllimi është që të vijnë disa fonde nga BE-ja dhe t’i marrin këta ekspertët e BE-së dhe t’i fustin nëpër xhepat e tyre?

Për herë të parë janë mbledhur ekspertë shqiptarë kanë bërë një draft, një dokument pune, i cili shumë lehtësisht mund të diskutohet në tryeza, mund të ndryshohen shumë nene, por ama s’ka para për zyrtarët e BE-së.

S’ka para për hartuesit e BE-së që të marrin miliona e miliona euro që të mbushin xhepat.

Të paguhen dhjetëra mijëra euro në muaj nga taksapaguesit europianë që të vijnë të na thonë se rakia bëhet nga rrushi.

Gjithçka është e thjeshtë. Është bërë një draft kodi, i cili do të diskutohet në tryezë nen për nen. Ashtu siç edhe CNA raportoi më herët Kodi Penal do të marrë vulën e BE-së, konfirmim i cili u pasua dhe nga kryeministri Edi Rama një ditë më parë ku deklaroi se pa vulën e Brukselit drafti nuk kalon në Parlament.

Duke qenë se zyrtarët e BE-së nuk kanë qenë pjesë e hartimit të draftit, nuk kanë marrë fonde, s’kanë marrë para dhe meqë kjo nuk ka ndodhur dalin me qëndrime të ndryshme. Qyfyre nga BE-ja.

Janë bërë më qesharakë se këta oponentët e Kodit pa pasur Kod. Në vend që të thonë çfarë duhet të ndryshojë fillojnë dhe kritikojnë. Me këtë qëndrim, zyrtarët e BE-së në Shqipëri janë bërë edhe më qesharakë. / CNA





Lajmet e fundit nga