web counter
LEXO PA REKLAMA!

SHKARKO APP

App Store
Google Play

KAS i kërkon zyrtarisht Komisionerit nxjerrjen e përgjegjësive për diferencat në numërim

31 Korrik 2025, 10:16, Politikë CNA

KAS i kërkon zyrtarisht Komisionerit nxjerrjen e përgjegjësive

KAS, pasi u mbyllën të gjtha proceset ankimore, i ka kërkuar zyrtarisht Komisionerit Shtetëror të Zgjedhjeve, nisjen e hetimit për diferencat e gjetura në procesin e rinumërimin të kutive në disa qarqe.

Kërkesa vjen pasi KAS edhe në vendimet përkatëse ka kërkuar hetimet sipas qarqeve ku janë gjetur diferencat.

"Rinumërimi dhe rivlerësimi i votave në këto zona zgjedhore provoi në disa raste mospërputhje të theksuara midis tabelave te rezultatit të grupeve të numërimit nga KZAZ-të respektive dhe gjendjes faktike të fletëve t6e votimit në kuti gjatë procesit të rinumërimit në procedurën ankimore në KAS.

Këto mospërputhje duhet të hetohen në një proces te mëtejshëm administrativ nga ana Juaj për te identifikuar anëtarët pjesë e Grupeve të Numërimit të Votave.

Hetimi i mëtejshëm administrativ për rastet e sipërcituara është i një rëndësie të veçantë, sepse referuar rezultateve të nxjerra nga rinumërimi në procedurën ankimore në KAS, rezulton që, në një numër tabelash të rezultateve të numërimit dhe vlerësimit të votave, mospërputhjet e rezultateve të miratuara nga GNV-të, me ato që rezultojnë në fletët e votimit, janë të tilla që prima facie tregojnë se nga anëtarët e GNV-ve për raste të posaçme ka tjetërsim të rezultatit të votave”, thuhet në shkresën e KAS./ CNA





Lajmet e fundit nga