“Harrove inceneratorin dhe Ardit Gjoklajn”/ Revoltohen qytetarët, bëjnë “copë” Veliajn

30 Korrik 2025, 13:51, Politikë CNA

“Harrove inceneratorin dhe Ardit Gjoklajn”/ Revoltohen

Erion Veliaj

Kryebashkiaku i arrestuar i Tiranës me 13 akuza për disa vepra të rënda penale, Erion Veliaj, doli me një reagim në rrjetet sociale, pak ditë pasi SPAK-u ia komunikoi akuzat.

Veliaj pretendon se është i ndershëm, se ndaj tij është bërë një veting 21-vjeçar dhe se akuzohet padrejtësisht, tanimë që i janë komunikuar akuzat.

Kryebashkiaku na tha se ndaj tij nuk u gjet asnjë shkelje megjithëse vendimet e gjykatave e kanë lënë në burg pas hetimeve të fakteve dhe provave voluminoze të paraqitura edhe në dosje.

Reagon Veliaj: Më kanë bërë veting 21-vjeçar, unë jam i ndershëm
30 Korrik, 11:46

Pas këtij reagimi sërish pati një revoltë nga qytetarët në rrjetet sociale, të cilët sërish i treguan se e meriton vendin në të cilin ndodhet i izoluar për veprimet dhe vjedhjet që ka bërë.

“Ke haqe për të larë ti edhe shumë të tjerë. Ty s’po të dënojnë për inceneratorin që je koshient që ke vjedhur, s’po të dënojnë për Ardit Gjoklajn që u vra e u hodh në mbeturina si të ishte zog e jo shpirt njeriu”, thuhet në një nga dhjetëra komentet në reagimin e Veliajt.

“O lal mor lal, harrove Ardit Gjoklajn! Harrove inceneratorin që nuk ekziston dhe po na vret përditë nga pak me sëmundje të këqija. Harrove lotët e 5 Majit, Unazës së Re etj., etj., etj., që u shembe shtëpitë dhe akoma janë nëpër çadra! Harrove ato lekët që ke marrë për 4 pallatet te rrethi i Yzberishtit 400 mijë euro, ndërtuesit, ke dërguar shoferin me makinë numërimi parash. Imagjinoje ça ke bërë kërdinë ti me lejet e kullave! Dhe të gjitha për një ego të sëmurë që nusja jote të jetojë mes luksit dhe gratë e plehrave që ndërtove ti në Bashkinë e Tiranës për 9 vite. Për mua u kalbsh aty brenda, jo vetëm ti, por çcdo hajdut që ka degdisur në Diasporë fëmijët dhe vëllezërit tanë e jetojnë vetë në luks pa punuar një ditë! Marsh të gjithë me vete! Mua më vjen ndot që jeni kthyer në monstër. Do kishe një jetë të mrekullueshme nëse do rrije me sinqeritetin e shitësit të fiqve, vuajtjen e një djali të rritur pa baba dhe të një njeriu i cili nuk bëri dy klasë shkollë, por kapi majat. Shkodrani thotë t'u rrit mendja”, shkruan një tjetër komentues.

Në të tjera komente qytetarët i drejtohen Veliajt duke i thënë se e ka zënë haku i të gjithë atyre njerëzve të varfër që u ka prishur banesat.

Zemërimi i qytetarëve vijon më tej duke e akuzuar se betonizoi Tiranën, e shkatërroi dhe se ka bërë miliarda me përqindjet që ka marrë dhe vazhdon të marrë nga lejet.

“Po si s’ke çik turp mor të është bërë lëkura shollë se sa herë hap gojën vetëm rrena nxjerr. Ti e do Tiranën? Ti e shkatërrove Tiranën e betonizove e ke bërë miliardja me përqindjket që ke marrë dhe vazhdon merr. Po ty asnjë gërmë stë besohet që kur e bëre dasmën me kursimet e mamit ta kam hequr vizën se ma shpife fare!!”, thuhet në koment.

Ndër rreshta mund të lexojmë edhe qytetarë të cilët i thonë që të reshtë me sulmet ndaj prokurorëve dhe drejtësisë.

Me dhjetëra komente të tilla plot akuza, tallje janë bërë sot nga qytetarët në reagimin e kryebashkiakut që ndodhet në burgun e Durrësit.

Mund t'i lexoni më poshtë.../ CNA