web counter
LEXO PA REKLAMA!

SHKARKO APP

App Store
Google Play

Komunikimi për mbylljen e hetimeve/ Justifikohet Meta

29 Korrik 2025, 14:01, Politikë CNA

Komunikimi për mbylljen e hetimeve/ Justifikohet Meta

Kreu i PL-së, Ilir Meta, ka reaguar pas shtyrjes së seancës ku do t’i komunikohet nga SPAK-u mbyllja e hetimeve.

Meta u shpreh se avokati i tij, Kujtim Cakrani, kishte kaluar kufirin dhe e kishte të pamundur për t'u paraqitur në SPAK në orën e komunikuar në mënyrë verbale nga një gardian.

“Për transparencë me opinionin publik dhe në ndihmë të gazetarëve në funksion të mirinformimit

Nuk kam patur as ftesë dhe as shkresë zyrtare nga SPAK deri sot në ora 08:30, kur një gardian i IEVP 'Jordian Misja' më komunikoi verbalisht se në orën 09:50 më kërkonin te SPAK, pa dhënë asnjë lloj sqarimi.

U lidha me avokatin tim, Kujtim Cakrani, i cili sot kishte kaluar kufirin dhe e kishte të pamundur për t’u paraqitur në SPAK në orën e komunikuar në mënyrë verbale nga një gardian.

Ndaj duke qenë se prania e avokatit është e domosdoshme nga pikëpamja proceduriale do të paraqitemi në SPAK sa më parë avokati ta ketë të mundur.

Mezi presim gjykimin dhe përballjen, pas 6 vitesh hetimesh, që nga dhjetori 2019, për të çmontuar këtë proces farsë, të urdhëruar nga tribuna e Asamblesë së Partisë Socialiste, në mënyrë që i gjithë opinioni vendas dhe ndërkombëtar të mësojë të vërtetat e vetme:

ZERO fakte penale!

ZERO prova penale!

ZERO akte dhe vendime të paligjshme!

ZERO lekë dëm buxhetit të shtetit!

ZERO lekë të përfituara në shkelje të ligjit!

ZERO pasuri të paligjshme!”, shkruan Meta./ CNA





Lajmet e fundit nga