web counter
LEXO PA REKLAMA!

SHKARKO APP

App Store
Google Play

E fundit!

x

Teliti: Të hapet gara për zgjedhjen e kryetarit të ri të Bashkisë Tiranë

25 Korrik 2025, 21:36, Politikë CNA

Teliti: Të hapet gara për zgjedhjen e kryetarit të ri të

Nënkryetari i Këshillit Bashkiak të Tiranës, Dorjan Teliti shprehu sot kërkesën që në situatën në të cilën ndodhet drejtimi i institucionit, të hapet gara për zgjedhjen e kryetarit të ri të Bashkisë Tiranë.

Në një intervistë në ‘Syri Tv’, Teliti u shpreh se kërkesa për të diskutuar statusin e kryetarit është dorëzuar para 70 ditësh.

Teliti shtoi se drejtimi i bashkisë ndodhet në një situatë antikushtetuese.

 “Kemi pothuajse 70 ditë që kemi dorëzuar në Këshillin Bashkiak kërkesën për të diskutuar mbi statusin e kryetarit, i cili nuk është më në krye të detyrës, Erion Veliaj. Ne e dimë tashmë që ai nuk është më thjesht në hetim, por është marrë i pandehur nga SPAK. Kemi një amulli në menaxhimin e Bashkisë së Tiranës. Bashkia e Tiranës duhet të jetë një institucion me rëndësi të lartë, i cili nuk mund të mendohet dhe menaxhohet sot në kushtet kur kemi një kryeministër që bën detyrën e kryetarit të bashkisë, por ndërkohë ka komanduar katër ministra që ushtrojnë po ashtu detyrën e kryetarit të bashkisë. Gjithashtu, ka komanduar një nënkryetare bashkie, e cila sot do të merrej në testim për të vlerësuar nëse është e denjë apo jo për të vazhduar detyrën.

Jemi në një situatë antikushtetuese dhe kërkojmë hapjen e garës për zgjedhjen e kryetarit të ri të Bashkisë Tiranë. Kjo garë duhet të hapet kur Këshilli Bashkiak kërkon fillimisht shkarkimin e kryetarit të bashkisë, gjë që ne e kemi kërkuar prej kohësh në mbledhje, por na është mohuar nga këshilltarët e majtë, të cilët nuk e kanë futur as në diskutim në rendin e ditës, pavarësisht se kjo është e drejta jonë që të diskutohet.

Ata presin urdhrin e kryetarit real të bashkisë, kryeministrit, i cili e konsideron Bashkinë e Tiranës dhe çdo bashki tjetër në vend si një bashki të vetme. Për të, Shqipëria është një bashki. Pritet urdhri politik. Dita kur do të vendoset për zgjedhje të parakohshme, atëherë do të mblidhet Këshilli Bashkiak për të riaktivizuar edhe kërkesën tonë dhe të tyre për të shkarkuar Veliajn. Deri sot, duket se Rama nuk është i bindur për ta shkarkuar Veliajn.

Shkarkimi i menjëhershëm i kryetarit të bashkisë dhe hapja e rrugës për zgjedhje të ndershme janë të domosdoshme. Ne nuk po kërkojmë që këta të ikin dhe të vijmë ne, sepse kush do të vijë e vendosin qytetarët. Ajo që ne kërkojmë është që qytetarët të vendosin se kush do të vijë. Jemi në një situatë absurditeti, ku kemi një zonjë të nderuar në aspektin personal, por në shkelje të Kushtetutës, që po vepron në drejtim të punëve të Bashkisë së Tiranës, rasti i Anuela Ristanit. Ajo kishte vetëm një afat prej 3 muajsh, ndërsa sot, prej 6 muajsh është në krye të Tiranës si një person jo i zgjedhur nga qytetarët, thjesht një person që po menaxhohet për arsye politike”,-tha Teliti./CNA





Lajmet e fundit nga