web counter
LEXO PA REKLAMA!

SHKARKO APP

App Store
Google Play

“Çështja i takon drejtësisë”/ Shehaj: Legjitimiteti i Veliajt mbaroi në ditën kur u arrestua

23 Korrik 2025, 21:44, Politikë CNA

“Çështja i takon drejtësisë”/ Shehaj:

Kreu i Partisë Mundësia, Agron Shehaj deklaroi sot se legjitimiteti i Erion Veliajt në krye të bashkisë së Tiranës mbaroi që në ditën kur u arrestua.

I ftuar në emisionin ‘Now’ me gazetaren Erla Mëhilli, Shehaj deklaroi se tanimë çështja e Veliajt i Takon drejtësisë.

Shehaj tha se në Shqipëri, pas reformës në drejtësi po ndodh një ndryshim.

 “Legjitimiteti i Erion Veliajt në krye të bashkisë së Tiranës dhe pretendimet për tu rikthyer si kryetar i bashkisë Tiranë, mbaruan që në ditën kur Veliaj u arrestua, ditën që të gjithë pamë provat që kishin prokurorët dhe nuk ka dyshim për këtë. Kjo gjë do të vazhdojë, ai ka një gjyq, ka një çështje me drejtësinë që i takon drejtësisë dhe vetë atij të dalë të mbrohet nga akuzat e prokurorisë.

Ky është një nga vendet më të korruptuara në Europë. Deri dje nuk kishim drejtësi fare, tani është bërë një reformë në drejtësi që po ndodh një ndryshim. Disa politikanë të akuzuar për korrupsion ose janë në burg, ose janë në hetim, ose i janë ngritur akuza sepse kanë vjedhur shqiptarët.

Të gjithë këta që akuzohen, thonë që janë të ndershëm. Dy janë gjërat: Ose nuk është e vërtetë që ky paska qenë një vend i korruptuar dhe politikanët kanë qenë të korruptuarit, ose prokurorët kanë qenë kaq të paaftë sa kanë ngritur akuza për ata pak të ndershmit”,-tha Agron Shehaj./CNA





Lajmet e fundit nga