web counter
LEXO PA REKLAMA!

SHKARKO APP

App Store
Google Play

"Më katastrofalja për Dibrën"/ Berisha: Raporti i KE-së për Shqipërinë denoncon aferën e Skavicës

22 Korrik 2025, 13:11, Politikë CNA

"Më katastrofalja për Dibrën"/ Berisha: Raporti i

Kryetari i Partisë Demokratike, Sali Berisha, në një konferencë për mediat, ka vijuar denoncimin për manipulimet në zgjedhjet e 11 majit.

Berisha tha se 350 kuti votimi janë marrë nga persona pa asnjë dokument.

Më tej kreu i PD-së përshëndeti raportin e KE-së për Shqipërinë, për të cilin tha se denonconte me forcë aferën e Skavicës.

Berisha tha se kjo aferë është një ndër aferat më katastrofike për Dibrën.

“350 kuti votimi janë marrë nga persona pa asnjë dokument, vetëm në qoftë se i kanë pasur të fshehura, por aty s'ka asnjë dokument.

Duket se nuk është lënë asnjë lloj mjeti dhe mundësie, thashë pa vepruar, për degradimin e plotë të zgjedhjeve në një farsë të shëmtuar.

Në pritje të këtyre përgjigjeve, ne do të ndërmarrim edhe hapa të tjerë, por kjo farsë nuk do njihet kurrë. Kurrë.

Së dyti, duhet të informoj qytetarët shqiptarë në Shqipëri dhe diasporë dhe të përgëzoj e përshëndes raportin e Komisionit Europian për Shqipërinë, në të cilin denoncohet me forcën më të madhe afera e Skavicës.

Aferë ajo ndër më të katastrofalet për Dibrën, aferë që 'de facto' asgjësonte Dibrën e shekujve dhe mijëvjeçarëve.

Por, në meritën më të madhe të dibranëve të diasporës, por edhe të dibranëve në Peshkopi, të cilët ia dolën të sensibilizojnë komunitetin ndërkombëtar për këtë krim të shëmtuar social, mjedisor, të gjithanshëm, verdikti i raportit është kundërshtimi i plotë i ndërtimit të kësaj vepre, trashëgimi e paranojës së Enver Hoxhës”, tha Berisha./ CNA





Lajmet e fundit nga