web counter
LEXO PA REKLAMA!

SHKARKO APP

App Store
Google Play

E fundit!

x

“Në PD po ndodh ajo që nuk duhet”/ Sula: Humbësit serial mblidhen nëpër dreka peshku

21 Korrik 2025, 17:38, Politikë CNA

“Në PD po ndodh ajo që nuk duhet”/ Sula: Humbësit

Deputeti demokrat Dashnor Sula ka reaguar sot pas deklaratave të bëra të dielën nga kryebashkiaku i Kavajës lidhur me situatën në Partinë Demokratike pas zgjedhjeve të 11 majit.

Përmes një postimi në rrjetet sociale, Sula shprehet  se është hera e parë që dikush nga brenda PD-së del publikisht dhe kërkon ndryshime të thella.

Sula thekson se në këtë moment, brenda partisë po ndodh një situatë që nuk duhet.

“Pse duhet të dëgjohet ajo çfarë tha kryebashkiaku i Kavajës Fisnik Qosja?!

Më në fund dje, pas më shumë se dy muajsh dikush nga të “preferuarit” në PD doli publikisht për të kërkuar ndryshime të thella në PD.

E thënë nga Fisnik Qosja, kërkesa për reformim të thellë në PD ka një vlerë edhe më domethënëse.

Fisnik Qosja është një i ri i cili theu “mitin” se mazhoranca aktuale nuk mundet me Ramën kryeministër. Qosja tregoi se edhe farsa nuk bën punë kur ka alternativë të re dhe punë të palodhur.

Fatkeqësisht, si Fisniku këto kohë mendojnë shumë pak. Janë shumë pak sepse në Partinë Demokratike, parimi i futjes në garë për të fituar ka shkuar me kohën. Mendimi më dritëgjatë në selinë blu është si të mbajmë karriget tona e ta përdorim për ndonjë skemë të vogël. Pikërisht nga këta llojë duhet të shkëputet PD.

OPSION PËR ZGJIDHJE?!

Që Partia Demokratike të mos mbesë një relike në histori, do duhet patjetër të reformohet. Në mënyrë që edhe Partia Demomratike të mos jetë si ato shifrat që jep INSTAT (POPULLSIA PO PLAKET), do duhet që të rienërgjizojë Partinë.

Grupi Parlamentar, ta tregojë në jetën parlamentare punën, ta justifikojnë mandatin që kanë marrë në masën 90% qyl nga kryetari. Secili prej tyre ta dëshmojë sa vlen.

Ndërkohë, Partia Demokratike, selia e saj, postet drejtuese në të duhet ti atribuohen të rinjve që e treguan në 11 Maj se nuk mungojnë por se nuk u lihet hapësirë.

Partia Demomratike duhet të bëjë një analizë të thellë të rezultateve të 11 majit, të performancës në vitet e kaluar, të ndahet nga galloshet e vjetra që janë bërë “gogoli” i qytetarëve.

Ajo që nuk duhet të ndodhë në PD është ajo që në fakt po ndodh tani. Dështakët, humbësit serial mblidhen nëpër dreka peshku për të thurur kulisa në mënyrë që të mos analizohen humbësit dhe të sulmohen të rinjtë qe kanë qëllime dhe projekte për të sjellë demokratët në PUSHTET”,-shkruan Sula./CNA

 

 

 

 

 

 





Lajmet e fundit nga