web counter
LEXO PA REKLAMA!

SHKARKO APP

App Store
Google Play

E fundit!

x

Shabani nxjerr zbuluar Lapajn: Garancia ishte që nëse marrim vetëm 1 mandat, nuk do të ishte Adriatiku

20 Korrik 2025, 20:55, Politikë CNA

Shabani nxjerr zbuluar Lapajn: Garancia ishte që nëse marrim

Endri Shabani, bashkëdrejtues i koalicionit Nisma “Shqipëria Bëhet” foli sot lidhur me konfliktin me Adriatik Lapajn.

Në një intervistë në A2CNN, Shabani tregoi detaje nga dakordësia parazgjedhore, sipas së cilës, nëse koalicioni do të merrte një mandat, nuk do të shkonte për Lapajn.

“Ka një tension që lidhet me premtimin për përfaqësim në Parlament. Sistemi zgjedhor na ka detyruar që të dalim me një skemë ku lista e mbyllur do të jepte dorëheqjen (46 kandidatë) dhe të gjithë të tjerët ishim te lista e hapur. Para se të ndodhte e gjitha kjo, pati diskutim se kush do e drejtonte koalicionin dhe vendosëm ta drejtonte më i riu ndër ne, që ishte Adriatik Lapaj, i cili, si kryetar, do të ishte edhe më i promovuari. Për pasojë, do të kishte avantazh ndaj të tjerëve. Shqetësimi ishte se ky avantazh mund të ishte i padrejtë. Për këtë arsye, garancia ishte që nëse marrim vetëm 1 mandat, nuk do të ishte Adriatiku. Kishte një garë mes gjithë të tjerëve dhe kishte një angazhim të drejtuesit të koalicionit, i cili tha që “ju nuk po futeni në garë për të më bërë mua deputet sepse nuk jam këtu për karrierën time personale”. Kjo garanci u tha edhe publikisht më pas. Çfarë ndodhi? Të 46 kandidatët, kur erdhi data 11 maj, firmosën dorëheqjet. Kandidati i 47, që ishte Adriatiku, ndryshoi mendim”,-tha Shabani./CNA





Lajmet e fundit nga