web counter
LEXO PA REKLAMA!

SHKARKO APP

App Store
Google Play

E fundit!

x

Hapësirat publike/Rama: Për vendosjen e tavolinave jashtë, së shpejti një plan i ri

19 Korrik 2025, 10:05, Politikë CNA

Hapësirat publike/Rama: Për vendosjen e tavolinave jashtë,

Kryeministri Edi Rama me anë të një statusi në rrjetet sociale ka thënë se sipërfaqja e hapësirës publike të liruar arrin në rreth 20 mijë metra katrorë.

Më tej, kryeminsitri thotë se arkitektë vendas dhe të huaj janë angazhuar për projektet e Rilindjes Urbane 2.0.

Sa u përket tavolinave të bareve dhe restoranteve në ambientet e jashtme, Rama shkruan se së shpejti do t’u jepet subjekteve një plan i ri, sipas të cilit do të zënë 25% të hapësirës publike, ndërsa 75% do të jetë për këmbësorët.

“Sipas planit të punës vetëm në Tiranë arrin deri nesër në rreth 20 mijë metra katrorë sipërfaqja e hapësirave publike të çliruara, ndërkohë që puna nuk do të ndalet më as në kryeqytet, as në qytetet e tjera ku ka marrë kot ky fenomen dhe as në bregdet e në zonat e mbrojtura jo e jo…

Në ndërkohë po punohet me projektet e Rilindjes Urbane 2.0 për të cilën janë angazhuar shumë arkitektë të huaj e vendas.

Ndërsa për vendosjen e tavolinave jashtë, së shpejti do t’u jepet të gjithëve plani i ri, me formulën bazë 75% të hapësirës këmbësorët 25% njësia e shërbimit. Dhe nuk do të lejohet asnjë lloj strukture e ndërtuar në trotuare, përveçse në rastet e hapësirave të bollshme e vetëm atje ku ka një projekt të mirëfilltë urbanistik”, shkruan Rama./ CNA





Lajmet e fundit nga