web counter
LEXO PA REKLAMA!

SHKARKO APP

App Store
Google Play

Këlliçi: PD nuk do të lejojë të kalohet vjedhja e votave si në vitin 2021

17 Korrik 2025, 22:01, Politikë CNA

Këlliçi: PD nuk do të lejojë të kalohet vjedhja e

Deputeti i zgjedhur i Partisë Demokratike, Belind Këlliçi deklaroi sot se skema e vjedhjes së votave të 11 majit është e përsëritur si në vitin 2021.

I ftuar në A2CNN, Këlliçi u shpreh se këtë herë PD-ja nuk do ta lërë të ikë ‘trenin bullgar’.

Këlliçi tha se është detyrë e opozitës të tregojë për farsën e 11 majit.

“Të njëjtin mendim kam dhe për zgjedhjet e vitit 2021, të cilat mendoj se janë vjedhur nga kryeministri në detyrë. Atë tren që nuk e morëm në 2021 për denoncimin e zgjedhjeve, këtë herë nuk e lemë të na shkojë. Ne kemi për detyrë që para qytetarëve, institucioneve ndërkombëtare dhe para raportit të OSBE, duhet të bëjmë punën për të treguar që këtu ka pasur farsë. DASH refuzon të japë një përshëndetje për zgjedhje në Shqipëri. Në 2021 kishim një tjetër performancë, ku përpara se vetë kryeministri të shpallte fitoren ka dalë ish-ambasadorja Kim dhe e ka uruar dhe ka komplimentuar ministrin e shtetit për opozitën, zotin Basha për performancën e tij në zgjedhje dhe për heshtjen që pasoi më pas. Pasi foli guvernatorja, ministri për opozitën nuk pati asnjë reagim”,-tha Këlliçi./CNA





Lajmet e fundit nga