web counter
LEXO PA REKLAMA!

SHKARKO APP

App Store
Google Play

E fundit!

x

Rezultatet e 11 majit/ Nuri: Materialet zgjedhore nuk përputheshin me fletët e votimit të diasporës

17 Korrik 2025, 19:11, Politikë CNA

Rezultatet e 11 majit/ Nuri: Materialet zgjedhore nuk përputheshin me

Këshilltari ligjor i Partisë Demokratike, Franc Nuri u ndal sot te proceset e ankimimit të rezultateve nga zgjedhjet e 11 majit.

Në një intervistë në ‘Syri Tv’, Nuri  shprehu shqetësimin se materialet zgjedhore nuk përputheshin me fletët e votimit të diasporës.

Nuri tha se ajo çka është konstatuar nga PD lidhur me këtë proces është se shumë detaje teknike gjatë ankimimit nuk janë të qarta.

“Gjyqtarët e Kolegjit nuk e kanë shumë të qartë se si funksionon procesi zgjedhor, nuk e kanë shumë të qartë detajet teknike.

Ka shumë detaje teknike procesi zgjedhor në Shqipëri, duhet të jesh me shumë eksperiencë, duhet të merresh me disa palë zgjedhje aq që të kuptosh mekanizmat dhe sesi funksionojnë gjërat në administrimin zgjedhor nga fillimi deri në fund.

Unë kam konstatuar se vetë gjykata nuk i ka shumë të qarta dispozitat e caktuara por dhe tërësinë.

Unë konstatoj se Kolegji Zgjedhor nuk është në lartësinë e duhur dhe parë në këtë këndvështrim unë kam përshtypjen se edhe roli i Kolegjit duket pak i cunguar pasi nuk e di sa në gjendje është një trup gjykuese të gjykojë çështje që vetë nuk kanë njohuri teknike – nuk do thosha njohuri juridike se to nuk i vëmë në dyshim – por që nuk kanë njohuri praktike dhe teknike sesi zhvillohet procesi zgjedhor.

Sot u pranua publikisht nga përfaqësuesja e KQZ se kishte një numër më të madh zarfash, materiale zgjedhore që kishin ardhur dhe që nuk përputhej numri me fletët e votimit të diasporës”,-tha Nuri./CNA

 

 

 

 

 

 

 





Lajmet e fundit nga