web counter
LEXO PA REKLAMA!

SHKARKO APP

App Store
Google Play

E fundit!

x

Berisha denoncon "krimin" e Edi Ramës në Theth: Asnjë ndërtesë e prishur nuk është në zonën e mbrojtur

17 Korrik 2025, 12:25, Politikë CNA

Berisha denoncon "krimin" e Edi Ramës në Theth: Asnjë

Kreu i PD-së, Sali Berisha, sot në një deklaratë për mediat, ka denoncuar atë që ai e quan krim të Ramës për  prishjen e ndërtimeve në Theth.

Sipas Berishës, asnjë ndërtesë në Theth nuk është në zonën e mbrojtur, të gjitha ndërtimet janë në zonat urbane.

“Thethi përbën në historinë e Shqipërisë një nga 'krimet' shtetërore më të rënda, më të shëmtuara.

Dëshmi e shpërthimit të urrejtjes së një njeriu që ka urrejtjen njerëzore si shtyllë kryesore të moralit të tij të kalbur.

Edi Rama e ka shndërruar Thethin në një shesh shkatërrimi, në të cilin ky fshat, kjo zonë nuk është shndërruar kurrë nga asnjë pushtues, qoftë edhe më barbarët.

Sot që flasim, në Theth janë hordhitë e ushtrisë, të cilat në kundërshtim me çdo ligj, në kundërshtim flagrant me Kushtetutën, janë shpalosur me urdhër të armikut të egër të Thethit dhe kryejnë detyrat që i ka ngarkuar Rama.

Pra, është i pabesë, i pamoral, i pafjalë.

Asnjë ndërtesë nuk është në zonën e mbrojtur, të gjitha ndërtimet janë në zonat urbane.

Po, Thethi është park kombëtar, por Thethi ka një zonë urbane ku ndërtohet.

Shiheni atë zonjën që ka në krah, shend e verë.

Asnjë ndërtim në tokë publike, as edhe në tokën e tjetrit, të gjitha në tokën e vet.

Ndërtime druri, siç përcakton rregullorja për Thethin, druri ose guri”, tha Berisha./ CNA





Lajmet e fundit nga