web counter
LEXO PA REKLAMA!

SHKARKO APP

App Store
Google Play

E fundit!

x

Sulmet kibernetike/ Rama: Po forcojmë mbrojtjen në sektorin publik, ai privat nuk po ecën në të njëjtin nivel

18 Korrik 2025, 10:50, Politikë CNA

Sulmet kibernetike/ Rama: Po forcojmë mbrojtjen në sektorin publik, ai

Kryeministri Edi Rama, në një mbledhje me përfaqësues të Teknologjisë dhe Inovacionit, ka bërë me dije se po forcohet mbrojtja në sektorin publik sa u përket sulmeve kibernetike.

Rama u shpreh se shqetësim mbetet sektori privat, pasi nuk është në të njëjtin nivel në lidhje me këtë fushë.

“Duhet të krijojmë instrumente të reja financiare në shërbim të sektorit. Besoj se keni çfarë të na mësoni, sugjeroni dhe propozoni në ecurinë e punës suaj.

Një pjesë e juaja janë të lidhur ngushtë me tregun dhe aktorët domethënës.

Ne kemi nevojë për çdo gjë në këtë aspekt dhe duke mos e njohur si duhet sektorin nga brenda i referohemi çfarë dimë nga vitrina globale e sektorit. Kemi të gjitha arsyet të besojmë se së bashku mund të angazhohemi për produktet që nuk janë ekzistuese, por mund të krijohen në vend që të paguajnë për këto produkte që vijnë nga jashtë.

Nuk duhet të neglizhojmë në asnjë mënyrë çështjen e sovranitetit, ku tendencat janë për t'u pavarësuar nga shërbimet globale.

Unë jam shumë krenar që kemi bërë progres. Jemi të pavaruar në shërbimet digjitale, kemi shumë boshllëqe sidomos në sektorin privat ku ka një mungesë të madhe informacioni se çfarë mund të vijë nga sulmet kibernetike. Po forcojmë mbrojtjen tonë, jemi të shqetësuar që sektori privat nuk po ecën në një ritëm.

Mund të kemi një ofertë për sektorin privat duke pasur parasysh talentet që keni arritur, cilësinë e produkteve tuaja”, tha Rama./ CNA





Lajmet e fundit nga