web counter
LEXO PA REKLAMA!

SHKARKO APP

App Store
Google Play

E fundit!

x

“Pa shqiptarët, ekonomia greke do të kishte falimentuar”/ Balla, me mesazh nga Kreta

20 Korrik 2025, 15:38, Politikë CNA

“Pa shqiptarët, ekonomia greke do të kishte falimentuar”/

Gjatë një vizite në Kretë, ministri i Shtetit Taulant Balla ka ndarë një moment mbresëlënës me një sipërmarrës grek, i cili thekson kontributin vendimtar të shqiptarëve në zhvillimin ekonomik të Greqisë.

 “Po të mos kishin ardhur shqiptarët në Kretë, të cilët janë shumë punëtorë, ekonomia e vendit tonë do të kishte ndaluar. Në çdo investim të ri që bëhet në Kretë, ka shqiptarë të përfshirë, sepse janë punëtorë të shkëlqyer. Edhe sinqerisht, po të mos ishin shqiptarët, ekonomia me të vërtetë do të kishte problem. E sheh këtë shtëpi këtu? Ishte gati për t’u shembur dhe shqiptarët e kanë rikonstruktuar”,-tha Balla.

Ministri Balla tha se po të mos ishin shqiptarët, ekonomia turistike greke  nuk do të ishte si sot.

“Kjo është e vërteta që grekët thonë për shqiptarët: se shqiptarët janë një popull punëtor dhe po të mos ishin ata, nuk do të ishte kështu ekonomia turistike greke. Kanë ndërtuar gjithçka dhe me duart e tyre mbajnë një peshë të madhe në Greqi”,-tha Balla.

Sipas Ballës, kjo dëshmi tregon se Greqia dhe shqiptarët e Greqisë janë bërë të pazëvendësueshëm për njëri-tjetrin.

“Greqia dhe ekonomia jonë do të kishin falimentuar pa shqiptarët thotë një sipërmarrës kretan. Kush akoma e dyshon këtë të vërtetë, nuk i ka sytë poshtë ballit dhe mendjen në vendin e duhur”,-tha Balla./CNA





Lajmet e fundit nga