web counter
LEXO PA REKLAMA!

SHKARKO APP

App Store
Google Play

E fundit!

x

Situata pas 11 majit/ Spahiu dhe LZHK: E vetmja zgjidhje është krijimi i një qeverie teknike

21 Korrik 2025, 16:30, Politikë CNA

Situata pas 11 majit/ Spahiu dhe LZHK: E vetmja zgjidhje është krijimi

Bashkëkryetari i LZHK-së, Ekrem Spahiu ka ndarë sot qëndimin e tij dhe të partisë lidhur me situatën në vend pas rezultateve nga zgjedhjet parlamentare të 11 majit.  

Përmes një deklarate për shtyp theksohet se fushata elektorale e kryeministrit Rama ka qenë një fallsitet i plotë.

Sipas LZHK-së, kjo është arsyeja që zhbën rezultatin e zgjedhjeve të 11 majit.

Spahiu dhe LZHK propozojnë krijimin e një qeverie teknike, si zgjidhjen e vetme për t’i dhënë fund situatës.

Deklarata e plotë:

“Lëvizja për Zhvillim Kombëtar” shpreh qendrimin e saj se, Kryetari i Partisë Socialiste Edi Rama njëkohësisht dhe Kryeministri i Shqipërisë, pasi mori 83 mandate nga votimet e 11 majit 2025, e theksojmë, nga votimet dhe jo nga zgjedhjet, është bërë shumë agresiv ndaj institucioneve dhe qytetarëve, duke iu imponuar frikshëm. Me pushtet të plotfuqishëm, tashmë me urdhërat e tij nuk pyet për shkelje të kushtetutës e ligjeve të vendit, as të konventave e kartave ndërkombëtare.

Deklarimet, thirrjet apo premtimet publike i ka shpërfillur krejtësisht.

Gjatë fushates elektorale për mandatin e katërt, Kryeministri Rama deklaronte; se administrata shtetërore qendrore dhe vendore është më e mira në histori, e cila ka qenë model në shërbim të qytetarëve; se Policia e Shtetit është profesioniste dhe zbaton me përpikmëri ligjet; se AKU, Kadastra, Agjencitë dhe Inspektoriatet Kombëtare ishin të përkushtuara në zbatimin e ligjit dhe në shërbim të plotë ndaj qytetarëve.

Për ne si LZHK dhe opozitën në tërsi nuk përbën çudi kjo sjellje e Rames me shqiptarët, por ata që e kanë votuar më 11maj, pas zgjedhjeve po shohin se ai është tjetërsuar plotësisht. Me urdhërin e tij, kërkoi dorëheqjen e të gjithë nënkryetarëve dhe drejtorëve të bashkive duke i shigjetuar në grup se kanë abuzuar me detyrën dhe ligjin dhe iu ka diktuar kryetarëve ristrukturime administrative.

“Lëvizja për Zhvillim Kombëtar” shpreh qendrimin e saj se, Qeveria nuk mund të drejtojë bashkitë, sepse kjo është shkelje e parimeve të ndarjes së pushteteve në një shtet demokratik. Emërimet dhe shkarkimet në administratën vendore janë kompetencë e kryetarit të bashkisë dhe jo e pushtetit qendror.

Këto veprime përbëjnë cenim të drejtpërdrejtë të autonomisë vendore, të garantuar nga; Kushtetuta e Shqipërisë, Karta Evropiane e Autonomisë Lokale dhe Ligji “Për Vetëqeverisjen vendore”.

Megjithëse janë njerzit e partisë së tij, “Lëvizja për Zhvillim Kombëtar” i bën thirrje Kryeministrit Rama që të ndërpresë menjëherë ndërhyrjet politike në bashkitë e vendit. Ndërkohë, LZHK kërkon angazhimin e gjithë opozites, institucioneve të pavarura dhe partnerëve ndërkombëtarë për të mbrojtur integritetin dhe funksionimin demokratik të pushtetit lokal në Shqipëri.

“Lëvizja për Zhvillim Kombëtar” shpreh shqetësimin e saj për përmbajtjen ligjore dhe mënyrat si po realizohet aksioni i prishjes së ndërtimeve pa leje dhe lirimi i hapësirave dhe ambienteve publike. Pak ditë para zgjedhjeve të 11 majit, Kryeministri Rama shkoi vetë në Theth dhe në takimin me banorët j’u tha: “T’i gëzoni pronat dhe investimet tuaja, se i keni të trashëguara brez pas brezi”. Për të mos thënë kriminale, minimalisht është hipokrizi, që t’iu thuash ndërtoni dhe t’i gëzoni e pastaj në mes të sezonit, zgjodhi pikërisht Thethin për t’iu shkatërruar plotësisht rreth 100 objekte, të cilat ishin ngritur me shumë mundime e sakrifica.

Lëvizja për Zhvillim Kombëtar e dënon këtë klimë terrori shtetëror ndaj banorëve të Thethit dhe kërkon dëmshpërblimin e të gjitha objekteve të prishura. Para disa ditëve u bënë shkarkime dhe emërime të reja në drejtoritë vendore dhe komisariatet e policisë së shtetit. Në këtë shpërthim veror, përfshihet edhe vendimi i Qeverisë për ligjin e ri të inspektimeve, ku do të riorganizohen Autoriteti Kombëtar i Ushqimit dhe 13 agjenci dhe inspektoriate në vend.

“Lëvizja për Zhvillim Kombëtar” shpreh qendrimin e saj se, fushata elektorale e Kryeministrit Rama ka qenë një fallsitet i plotë, një arsye më shumë që e zhbën rezultatin e zgjedhjeve të 11 majit. Sjellim në vëmendje se zgjedhjet janë kontestuar nga i gjithë faktori opozitar dhe nuk i njohin ato, ndërkohë vezhguesit e OSBE/ODIHR-it kanë shprehur në Raportin paraprak problematika të mëdha për zgjedhjet.

“Lëvizja për Zhvillim Kombëtar” rikonfirmon qendrimin e saj se e vetmja zgjidhje për kapërcimin e kësaj situate të rëndë është krijimi i një qeveri kalimtare me mandat të kufizuar për të realizuar:

- Ndryshimet kushtetuese

- Rishikimin e reformës territoriale

- Reformën zgjedhore

- Zgjedhjet e parakohshme, të cilat janë domosdoshmëri kombëtare/CNA

 





Lajmet e fundit nga