web counter
LEXO PA REKLAMA!

SHKARKO APP

App Store
Google Play

Padi në SPAK për rezultatin e zgjedhjeve/ Aulon Kalaja: Kam dorëzuar 8 prova të reja

22 Korrik 2025, 10:43, Politikë CNA

Padi në SPAK për rezultatin e zgjedhjeve/ Aulon Kalaja: Kam

Kandidati për deputet në zgjedhjet e 11 majit, Aulon Kalaja, ka bërë një padi në Prokurorinë e Posaçme në lidhje me pretendimet e tij për rezultatin e votave të 11 majit.

Në një deklaratë për mediat, Kalaja tha se ka dorëzuar 8 prova të reja.

Më tej, Kalaja u shpreh se nëse shihen pamjet filmike do të kuptohet manipulimi.

“Rezultati im u ul me 105 diferenca, KAS vendosi në mënyrë të çuditshme që të ndërpresë numërimin, kur në Tiranë e Fier u rinumëruan të gjitha kutitë, për Durrësin u ndërprenë.

Në KAS kam dorëzuar 8 prova të reja. Mendoj që kishin detyrë të vijonin rinumërimin dhe t'i referonin materialet në SPAK. KAS mendon se është gabim njerëzor, unë mendoj që është krim zgjedhor, ndaj erdha sot në SPAK.

Kam kërkuar që votat të rinumërohen me pamje filmike.

Nëse shohim votat me pamjet filmike shohim manipulimin e saj. Kam kërkuar që SPAK-u të analizojë ngjyrën e rezultatit se si janë prishur votat e mia”, tha Kalaja.





Lajmet e fundit nga