web counter
LEXO PA REKLAMA!

SHKARKO APP

Mori mandatin e deputetes/ Kush është Kleana Xhuveli, ‘motra’ e Adriatik Lapajt

23 Korrik 2025, 17:21, Politikë CNA

Mori mandatin e deputetes/ Kush është Kleana Xhuveli,

Këtë të mërkurë u dha vendimi për marrjen e mandatit të deputetes për kandidatën e koalicionit Nisma ‘Shqipëria Bëhet’, ku bashkëdrejtues është edhe Adriatik Lapaj.

Mandati i vetëm i këtij koalicioni merret nga Kleana Xhuveli, kandidate për Tiranën, e renditur e katërta në listën e mbyllur.

Por kush është Kleana Xhuveli?

Xhuveli është vajza e tezes së kryetarit të “Shqipëria Bëhet”, Adriatik Lapaj. Ajo njihet edhe si ‘motra’ e Lapajt për shkak të afërsisë shumë të madhe familjare që kanë me njëri-tjetrin.

Më herët lidhur me këtë person, Lapaj ka sqaruar se Xhuveli është biologjikisht vajza e tezes së tij, por e rritur nga e ëma e Lapajt që në moshën 8-muajshe.

“Unë kam një motër. Historia e motrës time është pak… po duhet ta sqaroj. Motrën nuk e kam biologjike, praktikisht është vajza e tezes time, por e ka marrë nëna ime 8-muajshe dhe ajo është rritur me gjithë jetën. Është motra ime praktikisht”,- ka sqaruar Lapaj më parë./CNA 

 

 

 

 





Lajmet e fundit nga