web counter
LEXO PA REKLAMA!

SHKARKO APP

App Store
Google Play

E fundit!

x

Gazetari Tomorri: Rama po ua cakton pasuritë publike pronarëve dhe bejlerëve të rinj të Shqipërisë

24 Korrik 2025, 19:46, Politikë CNA

Gazetari Tomorri: Rama po ua cakton pasuritë publike pronarëve dhe

Gazetari Klodian Tomorri ndau sot qëndrimin e tij lidhur me situatën në vend, përfshirë edhe ndryshimet ligjore të kohëve të fundit, mbi kontrollin dhe zhvillimin e tërritorit.

I ftuar në një emision në 'Syri Tv', Tomorri tha se kjo histori ëhtë një film dhe histori e përsëritur ndër vite.

Tomorri akuzoi kryeministrin Edi Rama se pasuritë publike po ua cakton pronarëve të rinj të Shqipërisë.

“Tani është periudha e ndarjes së plaçkës.
Kjo histori e kontrollit të territorit është një film që Shqipëria, apo shqiptarët, e shohin të përsëritur si një sekuencë të një filmi që përsërit veten. Nëse kthehemi në vitin 2017, ka pasur një aksion të ngjashëm; në atë kohë ishte Gjiknuri Ministër i Infrastrukturës dhe Energjitikës. Është e njëjta filozofi dhe të njëjtat fjalë.

E para, ndryshimet ligjore që kanë ndodhur së fundmi kanë nisur që në vitin 2020, kur Rama ndryshoi ligjin e zhvillimit të territorit dhe, në atë kohë, shfrytëzoi rastin sepse i kishte të gjitha bashkitë e veta dhe nuk ia atakoi askush. Që aty ai filloi të uzurponte kompetencat e bashkive dhe tani po i uzurpon gjithmonë e më shumë, duke i nxjerrë kryetarët e bashkive si kryetarët e Frontit Demokratik të dikurshëm, që kishin vetëm një proces “konsultues”, ku u merrej ndonjë mendim, si komunistëve, por praktikisht nuk kanë asnjë kompetencë.
Të gjitha këto ndryshime që kanë ndodhur për menaxhimin, kontrollin e territorit e me radhë, janë të gjitha antikushtetuese, por u shfrytëzua ai moment në vitin 2020, kur të gjitha bashkitë ishin të PS-së dhe nuk i atakoi askush në Gjykatën Kushtetuese.

E dyta, pronat që kalojnë te Korporata Shqiptare e Investimeve janë për ndërtime, sepse korporata për atë qëllim është krijuar. Pra, Korporata e Investimeve nuk po merr atë rripin që i thotë Ristani pas Pallatit të Kongreseve për lulishte, por për ndonjë kullë. Ajo fjala “rietezimit” që përdorin këta është termi i përdorur për grabitjen e çdo prone publike.

Praktikisht, është një sulm frontal për të ndarë plaçkën dhe për të shkatërruar në themel të gjitha asetet publike të mbetura. Rama po cakton ata që do të jenë pronarët e Shqipërisë nga tani e në vazhdim. Ka bërë ndoshta transferimin më të madh të pronësisë në Europë në këto 100 vitet e fundit.

Rama, ato që ishin pasuri publike, po ua cakton pronarët apo bejlerët e rinj të Shqipërisë.

Ajo që po ndodh me ekonominë, sepse këto që po ndodhin janë pasojë e atij modeli ekonomik që ka zgjedhur kjo qeveri. Ku, pavarësisht flukseve të mëdha që mund të vijnë nga burimet ilegale apo nga kanalet e jashtëligjshme, në thelb është një model i paqëndrueshëm dhe nuk mund të vazhdojë përgjithmonë.
Rama doli e tha pak ditë më parë që do të kemi ekonomi pa para cash, pa para fizike. Ajo është e pamundur, sepse kur nuk e kanë bërë vende të tjera, nuk ka si ta bëjë Rama, i cili nuk ka bërë dot asnjë reformë në 12 vjeç”,-tha Tomorri./CNA

 





Lajmet e fundit nga