web counter
LEXO PA REKLAMA!

SHKARKO APP

App Store
Google Play

Lirimi i hapësirave/ Bizneset anës rrugëve afat deri më 31 korrik për heqjen e materialeve

25 Korrik 2025, 10:03, Politikë CNA

Lirimi i hapësirave/ Bizneset anës rrugëve afat deri më 31

Kryeministri Edi Rama, me anë të një postimi në rrjetet sociale, ka njoftuar se bizneset që kanë materialet e tyre anës rrugës, kanë afat deri më 31 korrik për t’i larguar.

Në statusin e tij, Rama shkruan se distanca ligjore e sigurisë është 20 metra nga aksi i rrugës, për vendosjen e materialeve.

Më tej, kryeministri thotë se mbajtja e materialeve përtej afatit të vendosur do të shoqërohet me masa ndëshkimore.

 

Statusi i Ramës

Ka nisur edhe përpjekja për çlirimin e buzërrugëve kombëtare nga rraqet e llojllojshme të bizneseve anë rrugës

Bizneset në anë të segmenteve rrugore kanë afat deri në 31 korrik për të larguar vetë çdo lloj materiali që ndodhet më pak se  20 m nga aksi i rrugës, që është edhe distanca ligjore e sigurisë - përjashtuar objektet e ndërtuara me leje, po jo materialet në oborret e tyre të përparme, gardhet e të cilëve po ashtu do të duhet të tërhiqen në maksimumin e mundshëm, sipas projektit që do t’u dorëzohet më tutje nga ARRSH

Mbajtja buzë rrugëve e rraqeve si këto në foto apo të tjera, nga materialet ndërtimore tek inertet dhe makinat e vjetra e me radhë, përtej afatit të paralajmëruar do të shoqërohet me masa të rënda ndëshkimore sipas parashikimeve ligjore në fuqi

Tanimë Shqipëria po troket në derën e Bashkimit Europian dhe kjo fazë kalimtare e ushtrimit të aktivitetit ekonomik në dëm të komunitetit e të mjedisit në tërësi, po edhe të sigurisë së qarkullimit në rrugët kombëtare në veçanti, duhet të konsiderohet e mbyllur. Nga të gjithë dhe me mirëkuptimin më të madh kombëtar, për Shqipërinë 2030 në BE

 





Lajmet e fundit nga