web counter
LEXO PA REKLAMA!

SHKARKO APP

App Store
Google Play

"Çdo dy tre muaj ka bërë dëshmorë"/ Këlliçi: Tërmet Peçi do të arrestohet përpara shtatorit

27 Korrik 2025, 22:32, Politikë CNA

"Çdo dy tre muaj ka bërë dëshmorë"/

Drejtuesi politik i PD për Tiranën, Belind Këlliçi në një dalje televizive tha se ish-kryebashkiaku dhe deputeti i zgjedhur, Tërmet Peçi mund të arrestohet përpara shtatorit.

Këlliçi u shpreh se arrestimi tij do të vijë si “oreks” i kryeministrit, i cili sipas deputetit të zgjedhur të PD, çdo dy tre muaj ka bërë dëshmorë.

Më tej, Këlliçi tha se Tërmet Peçi dhe Agron Malaj u zgjodhën deputetë për t’i shpëtuar drejtësisë sepse kështu vendosi Rama për ta.

“Prisni edhe një muaj e pak dhe do të shihni, edhe skandalet e reja të qeverisë, edhe denoncimet e reja, do të shihni edhe çështjet e reja që do të ngrejë opozita... Në Bashkinë Tepelenë shkëlqen Tërmeti i korrupisonit. Nuk e dimë a do të ketë kohë që të futet në Parlament në shtator, apo do të arrestohet para shtatorit. Oreksi i Edi Ramës. Sa herë i është dashur, çdo dy tre muaj ka bërë dëshmorë... Nuk të bën përshtypjen që Erion Veliaj në përgjime thotë që Agron Malaj dhe Tërmet Peçi po bëhen deputetë për t’i shpëtuar drejtësisë dhe kështu duhet të vepronte edhe ai. Por për ata kështu kishte vendosur Rama, për Veliajn kishte vendosur që duhet të bëjë burgun edhe për shokët”, tha Këlliçi./ CNA





Lajmet e fundit nga