web counter
LEXO PA REKLAMA!

SHKARKO APP

App Store
Google Play

E fundit!

x

“570 video për të dëshmuar farsën”/ Këlliçi: Komisionerë të PS-së kanë kërcënuar votuesit

25 Korrik 2025, 21:48, Politikë CNA

“570 video për të dëshmuar farsën”/

Deputeti i zgjedhur i PD-së për Tiranën, Belind Këlliçi deklaroi sot se Partia Demokratike ka përgatitur një material voluminoz me rreth 570 video për të dëshmuar shkeljet në zgjedhjet e 11 majit.

Në një intervistë televizive, Këlliçi akuzoi se ka pasur komisionerë të PS-së që kanë kërcënuar votuesit.

Këlliçi shtoi se ndër të tjera, janë evidentuar edhe 400 raste të votimit familjar.

“Kemi përfunduar një material voluminoz, rreth 570 video, autentike, që janë pjesë e qendrave të votimit, në qarkun Tiranë dhe në zonat periferike të Tiranës, ku të gjitha shkeljet që ne u kemi treguar qytetarëve edhe në qytetet e tjera, janë fenomene që nuk janë të izoluara.

Pra, në Tiranë, ka pasur komisionerë të PS-së që kanë kërcënuar votuesit, kanë hyrë në dhomën e fshehtë për t’u diktuar votën, u kanë marrë fletën e votimit, janë të kapura nga pamjet filmike këto, për të kontrolluar votën dhe pastaj kanë hedhur në kuti fletën. Të gjitha këto janë të fiksuara në video dhe emra të komisionerëve se kush janë. Do të bëhen publike në ditët në vijim.

Janë 400 raste të votimit familjar, të intimidimit të tyre, të bexhave false. Shumë raste janë në Bashkinë e Vorës, aty ku pati përplasje fizike të deputetëve të PD-së. Por ndërkohë nuk po na japin pamje për qindra votimi në Tiranë ku ne kemi dyshime të arsyeshme për manipulim votash. Çuditërisht, tani thonë se në disa qendra ka pasur probleme me filmimin, si në Krrabë apo në Zall Bastar. Është detyrim ligjor që kamerat duhet të jenë të ndezura”,-tha Këlliçi./CNA

 





Lajmet e fundit nga