web counter
LEXO PA REKLAMA!

SHKARKO APP

App Store
Google Play

Qeveria miraton "Strategjinë Kombëtare të Turizmit 2030"

31 Korrik 2025, 18:08, Politikë CNA

Qeveria miraton "Strategjinë Kombëtare të Turizmit

Ministria e Turizmit dhe Mjedisit, Mirela Kumbaro me anë të një statusi në rrjetet sociale ka njoftuar se qeveria ka miratuar Strategjinë Kombëtare të Turizmit 2030.

Kumbaro shkruan se miratimi ka ardhur pas një procesi 2-vjeçar hulumtimesh dhe konsultimesh.

Ministrja thotë se kjo strategji vendos objektiva të qartë për rritjen e të ardhurave nga turizmi deri në vitin 2030.

Strategjia Kombëtare e Turizmit është hartuar në partneritet me GIZ Albania.

“Dita e fundit e korrikut vjen edhe me finalizimin e një pune të mirë

Qeveria Shqiptare sot miratoi  Strategjinë Kombëtare të Turizmit 2030, pas një proçesi gati dyvjeçar hulumtimesh, studimesh dhe konsultimesh ndërsa kjo strategji vendos objektiva të qartë dhe të matshëm për rritjen e të ardhurave nga turizmit deri në vitin 2030, shoqëruar me rritje të kapaçiteteve akomoduese dhe përmirësim të standardeve, ndarjen e Shqipërisë në gjashtë rajone turistike dhe me detyra të reja për agjençitë shtetërore që lidhen me industrinë e turizmit.

Sot kam një falenderim për të gjithë stafin e Ministrisë së Turizmit dhe Mjedisit, për ata dhjetëra speçialistë që u përfshinë në hartimin e kësaj strategjie dhe sigurisht për partnerët tanë të GIZ Albania që japin një kontribut të çmuar në zhvillimin e turizmit të qëndrueshëm.

Pushime të mbara në gusht për të gjithë, ndërsa ne në Ministrinë e Turizmit vazhdojmë punën për menaxhimin e sezonit turistik”, shkruan Kumbaro./ CNA





Lajmet e fundit nga