web counter
LEXO PA REKLAMA!

SHKARKO APP

App Store
Google Play

Ministria përgënjeshtron Berishën: Asnjë presion ndaj ODIHR për vëzhgimin e 11 majit

4 Gusht 2025, 16:40, Politikë CNA

Ministria përgënjeshtron Berishën: Asnjë presion ndaj ODIHR

Ministria për Evropën dhe Punët e Jashtme ka reaguar pasditen e sotme lidhur me deklaratat e bëra nga kryedemokrati Sali Berisha, sa i takon ndërhyrjes së ndërkombëtarëve në vëzhgimin e zgjedhjeve të 11 Majit 2025 në Shqipëri.

Përmes një deklarate për shtyp, MEPJ thekson se nuk bëhet fjalë për ndërhyrje, aq më pak për presion ndaj tyre.

Deklarata e plotë:

Në lidhje me pretendimet e sotme të Kryetarit të Partisë Demokratike mbi letrën e Ministrit për Evropën dhe Punët e Jashtme drejtuar institucioneve ndërkombëtare të përfshira në vëzhgimin e zgjedhjeve të 11 Majit 2025 në Shqipëri, sqarojmë se:

Siç është e qartë dhe në letrën e përmendur, nuk bëhet fjalë për ndërhyrje në punën e Misionit të vëzhguesve të ODIHR, dhe aq më pak presion ndaj tyre.

Është në praktikën normale të çdo procesi zgjedhor, që autoritetet e shtetit pritës të përcjellin pranë Misionit vëzhgues saktësime teknike dhe kontekst lidhur me gjetjet e raportit paraprak, për të cilat vlerësohet se janë të nevojshme për t’u konsideruar në një raport përfundimtar të bazuar në fakte dhe prova.

Edhe në rastin në fjalë, janë paraqitur sqarime që janë vlerësuar se mund të merren parasysh nga raportuesit gjatë hartimit të Raportit përfundimtar. Sigurisht, marrja në konsideratë apo jo e sqarimeve, është ne diskrecionin e plotë të Misionit vëzhgues.

Kujtojmë se edhe vetë ODIHR ka reaguar më parë që nuk ka pasur një presion të tillë.

MEPJ mbetet gjithmonë e angazhuar për të respektuar pavarësinë dhe integritetin e çdo mekanizmi vëzhgues në përputhje me mandatin që i është ngarkuar nga ODIHR./CNA





15:57 Politikë

Qyfyret e BE-së

Më 25 korrik u prezantua drafti i Kodit Penal, i cili ka s...

Lajmet e fundit nga