web counter
LEXO PA REKLAMA!

SHKARKO APP

App Store
Google Play

Erion Braçe nuk i ndahet Frida Krifcës/ Nuk ka asnjë plan për bujqësinë

5 Janar 2023, 16:13, Politikë CNA
Erion Braçe nuk i ndahet Frida Krifcës/ Nuk ka asnjë plan
Erion Braçe, deputet i PS-së dhe Frida Krifca, ministre e Bujqësisë dhe Zhvillimit Rural

Prej disa kohësh, deputeti i PS-së, Erion Braçe është duke luajtur rolin e opozitarit dhe nuk i ka kursyer akuzat ndaj Frida Krifcës, ministres së Bujqësisë dhe Zhvillimit Rural.

Të njëjtën gjë ka bërë edhe pak më parë me anë të një statusi në rrjetet sociale, ku ka cekur çështjen e ndryshimeve klimatike.

Ai deklaron se dimri nuk ika ikur, por është shtyrë, ndërsa pretendon se ministrja e Bujqësisë nuk ka asnjë plan për vaditjen në rast thatësire apo për bujqësinë në raste shirash, breshëri apo bore.

“Kur do bëhemi gati?

Dimri është shtyrë, nuk ka ikur!

Kur do bëhemi gati?

1. Për motin e ngrohtë e pa reshje, dëborë veçanërisht, shiu gjithashtu; Impaktin e munguar të tyre;

Deri tani në buxhet kemi paratë për energjinë e domosdoshme në kushtet e thatësirës, nevojën për energji.

Por impakti në bujqësi është kolosal;

Bujqësi pa ujë nuk ka dhe nuk kemi asnjë plan për vaditjen nëse thatësira godet lumenjtë e rezervuarët e mëdhenj;

Bujqësi pa cikle nuk ka dhe ky mot po kthen në kaos ciklet e prodhimeve në fushë të hapur, po godet pemëtarinë, gjithashtu dhe nuk kemi asnjë plan për të informuar bujqërit, folur me ta, orientuar bujqërit e grumbulluesit, ribërë planet e eksportit e tregtisë.

Ndërkohë, dimri nuk ishte ky, nuk po mbaron, është shtyrë në kohë, me ngjarje ekstreme, reshje të mëdha si bomba dëbore e shiu që shkatërrojnë pa masë infrastruktura publike e private, bujqësi e blegtori, ulin temperatura, ngrijnë, bllokojnë, nxjerrin jashtë pune infrastruktura bazike-ujë e energji, rrjete të tregtimit të ushqimeve e ilaçeve, sëmurin dhe ne duhet të kemi plane të qarta me veprime të automatizuara që ndihmojnë njerëzit, kudo dhe kurdo!

Anormalja që po ndodh, do jetë normale, e përhershme shpejt për shkak të klimës që po ndryshon; ne duhet të ndryshojmë, t’i përshtatemi!”, nënvizon Braçe./ B.A. – CNA.al





Lajmet e fundit nga