web counter
LEXO PA REKLAMA!

SHKARKO APP

App Store
Google Play

“E kam vizionin dhe do ta bëj”/ Rama: Kemi një koncept për Zvërnecin, punohet për projekt të pranueshëm

9 Qershor 2026, 16:03, Politikë CNA

“E kam vizionin dhe do ta bëj”/ Rama: Kemi një koncept

Kryeministri Edi Rama, gjatë një takimi me gazetarë dhe përfaqësues të medias nga vendet e BE-së, u ndal gjerësisht te çështja e Zvërnecit.

Rama theksoi se për momentin, investitorët po punojnë me arkitektë dhe inxhinierë për të sjellë një projekt të prekshëm.

Kreu i qeverisë u shpreh se momentalisht është krijuar vetëm një koncept, në të cilin qeveria shqiptare ka dhënë një sërë indikacionesh dhe komentesh, lidhur me atë që është ose nuk është e pranueshme për rastin.

Më tej, Rama shtoi se ka idenë, vizionin për zhvillimin e Zvërnecit dhe se do të bëjë që projekti atje të realizohet.

“Nuk jam unë, por janë investitorët që po punojnë me arkitektë dhe inxhinierë të shkëlqyer. Kur të sjellin plane të prekshme, atëherë do të shohim. Kanë sjellë një koncept, që është si një masterplan, për të cilin kemi dhënë shumë komente dhe indikacione për atë çka është dhe nuk është e pranueshme. Dhe ata duhet të vijnë me një projekt. Për mua ky është projekti. Nëse pyesni për vizionin, idenë dhe po, e kam. Unë do të bëj që të realizohet. Nuk është diskutim racional të komentosh pa parë se cili është synimi”,-tha Rama./CNA





Lajmet e fundit nga