web counter
LEXO PA REKLAMA!

SHKARKO APP

App Store
Google Play

E fundit!

x

“Duhet të përveshim mëngët”/ Veliaj tregon porosinë e Ramës për kryebashkiakët

19 Prill 2023, 12:25, Politikë CNA

“Duhet të përveshim mëngët”/ Veliaj tregon

Kryebashkiaku Erion Veliaj ka zhvilluar një takim me banorët e njësisë 4 në Tiranë.

Gjatë takimit ai bëri të ditur se ka folur me banorët rreth projekteve të zhvilluara nga Bashkia Tiranë dhe përmirësimin e jetës së qytetarëve nëpërmjet tyre.

“Kemi takuar njerëz gjithë rrugës dhe në çdo stacion, ose ishte dikush që ishte administrator pallati, me këtë sistemin e ri na është bërë më mirë, ose ishte dikush që kishte hapur një biznes të ri dhe po i shtohej puna, se kanë ardhur edhe banorët e rinj te '5 Maji'. Ishte një bekim i madh se ti kupton që ne i kemi lidhur fijet me njëri-tjetrin. Ai që quhet stofi, apo xhinsi siç thonë tironsit, në thelb kjo është. E vetmja vërejtje që kam pasur gjithë rrugës me njerëzit është një xhep i vogël këtu, do të thotë që është zgjidhur një pjesë shumë e madhe e gjërave”, u shpreh ai.

Ndër të tjera Veliaj ka zbuluar dhe porosinë e kryeministrit Edi Rama për të gjithë kryetarët e bashkive që sipas tij është që gjatë fushatës kandidatët nuk duan të mbjellin sherr.

“E di që jo të gjitha punët kanë mbaruar. Unë besoj se pikërisht pse kemi ende punë për të bërë duam, që të përveshim mëngët e të ecim përpara. Kryeministri na ka lënë një porosi, që ne nuk do mbjellim sherr në këtë fushatë. Ne nuk jemi këtu se kemi inat të tjerët. Ne jemi këtu se duam njëri-tjetrin, familjet, çunat, gocat, komunitetin. Për këtë dashuri dhe këtë pasion kemi vendosur më mirë të mbjellim pemë dhe të gjithë atyre që merren me mirëmbajtje dhe pastrim mos t’u lëmë as postera, as banderola, as rraqe e shkarravina, që në fund fare, qyteti do ketë pemë dhe për ata që ndoshta nuk i mendojnë gjërat si ne, të paktën do thonë këtyre kundërshtarëve tanë edhe fushata u pati duk, se mbollën gjelbërim, ajër të pastër e oksigjen,” tha Veliaj./CNA.al

 





Lajmet e fundit nga