web counter
LEXO PA REKLAMA!

SHKARKO APP

App Store
Google Play

E fundit!

x

“Dje nuk na linin greku e turku, sot pse nuk ka abetare shqipe për diasporën?”/ Debate në Komisionin e Kulturës

10 Shkurt 2026, 11:18, Politikë CNA


Këtë të martë, në Komisionin për Kulturën, Turizmin dhe Diasporën, u zhvilluan diskutime të shumta lidhur me projektiligjin “'Për librin në Republikën e Shqipërisë', të ndryshuar”.

Të pranishëm ishin edhe botues të ndryshëm, që u përfshinë gjerësisht në debate.

Ndër ta, botuesi Bujar Hudhri bëri deklarata të ashpra dhe hodhi akuza për mungesë vëmendjeje ndaj librit në gjuhën shqipe.

Sipas botuesit, Shqipëria nuk po investon mjaftueshëm, si në biblioteka, ashtu edhe në fonde për botime.

Po ashtu, botuesi ngriti si shqetësim edhe mungesën e abetareve shqipe për fëmijët e familjeve shqiptare në diasporë.

“Kam gjithë jetën me këtë punë. Nuk është interesuar kurrë për ndërkombëtarizimin e kulturës sonë. Shqipëria ka shkuar vetëm një herë në Panairin e Librit në Frankfurt. Ndërkohë që kemi edhe shtetin tjetër shqiptar, Kosovën. Ka një stendë që ke qejf ta shohësh se investojnë. Shqipëria nuk investon. Përse shteti shqiptar nuk çon libra në Frankfurt? Kam dërguar edhe shkresa në ministri. Ky është një turp. Bibliotekat e rretheve janë zero, por edhe shkollat. Janë librat e para ’90-ës. Nuk duam t’ia dinë fare. Dhe ajo që i vuri kazmën librit ishte TVSh-ja. Iu vu 6%, nuk është kushedi te vlera e librit, por nuk dërgohen askund pa faturë tatimore. Ky është skandal. Tjetra është që kam qenë jashtë shtetit. Kemi takuar prindër që duan abetare. Po si nuk u çon ky shtet abetare fëmijëve të vet nëpër botë. Harxhon miliona për infrastrukturën, por nuk mblidhen libra e abetare. Mirë deri më dje nuk të linin turku e greku, po sot çfarë na pengon?”,-tha botuesi./CNA





Lajmet e fundit nga