web counter
LEXO PA REKLAMA!

SHKARKO APP

App Store
Google Play

"Bursa 200 euro"/ Berisha: Hiqet mesatarja për studentët, e vendosur si shpatë Demokleu

23 Prill 2025, 13:52, Politikë CNA

"Bursa 200 euro"/ Berisha: Hiqet mesatarja për studentët, e

Kryetari i Partisë Demokratike, Sali Berisha, zhvilloi ditën e sotme një bashkëbisedim me qytetarët në rrjetet sociale.

Gjatë këtij bashkëbisedimi Berisha tha se PD do të heqë mesataren për studentët, do të vendoset bursë 200 euro si dhe do të përgjysmohet tarifa apo hiqet fare.

“Për studentët, së pari hiqet mesatarja, e vendosur si shpatë Demokleu mbi ta për të përjashtuar nga e drejta e universitetit të paktën 60 për qind të maturantëve.

Së dyti, vendoset bursa 200 euro.

Së treti, tarifa përgjysmohet ose hiqet sipas rastit në çdo fakultet.

Së katërti, pas mbarimit, punësimi i të diplomuarve do të jetë përparësia më e madhe.

Një vit do paguajë qeveria sigurimet shoqërore çdo punëmarrësi për një të ri.

Grant për strehimin e çifteve prej 30 mijë eurosh.

Grante dhe kredi të buta për të rinjtë që do fillojnë startup-e dhe biznese të vogla.

Për ne, objektivi më kryesor është që të rinjtë shqiptarë të vendosin të ndërtojnë në Shqipëri ëndrrën e tyre", tha Berisha./ CNA





Lajmet e fundit nga