web counter
LEXO PA REKLAMA!

SHKARKO APP

App Store
Google Play

“U shërben fermerëve dhe urbanizimit të zonës”/ Balluku inspekton ndërtimin e rrugës në fshatin Plug

23 Prill 2025, 11:47, Politikë CNA

“U shërben fermerëve dhe urbanizimit të zonës”/

Zëvendëskryeministrja Belinda Balluku, e shoqëruar nga kryetarja e Bashkisë Lushnjë, Eriselda Sefa, dhe inxhinierë të FSHZH, ndoqën nga afër ecurinë e punimeve për rehabilitimin e rrugës në fshatit Plug në Lushnjë, ku deri më tani janë realizuar afro 25% e tyre.

Balluku tha se mund të përfundojnë punimet në shtator të këtij viti. Më tej, zëvendëskryeministrja u shpreh se kjo rrugë vjen e kompletuar edhe me mobilimin urban.

“Kemi shpresë se do ta kemi të plotë dhe të përfunduar në muajin shtator. Janë duke u bërë një sërë ndërhyrjesh nga FSHZH në Bashkinë e Lushnjës duke e ditur që është një nga qarqet më të rëndësishme jo vetëm për ekonominë. Në të dy krahët e autostradës janë vendosur nukla ekonomike të fuqishme.

Këtu rrugët luajnë një rol shumë të rëndësishëm dhe kryesor për lidhjen jo vetëm midis njësive administrative, por edhe parcelave në të cilat punohet. Por nga ana tjetër edhe për të gjithë lëvizjen e mallrave bujqësore që ne e dimë që janë ato oraret e pasdites që fillojnë grumbulluesit dhe fermerët shkojnë drejt tyre dhe është e nevojshme që t'i krijohet e gjithë infrastruktura e duhur.

Nuk ndërtojmë vetëm infrastrukturë rrugore, por kjo infrastrukturë rrugore vjen e kompletuar edhe me mobilimin urban, siç janë pjesa e trotuarëve, pjesa e gjelbërimit, pjesa e ndriçimit që është shumë e rëndësishme në zonë. Është një nga kërkesat që ne e kemi herë pas here. Edhe pjesa e ndriçimit vazhdon që të jetë një kërkesë shumë e rëndësishme që duhet t’ua ofrojmë banorëve”, tha Balluku./ CNA





Lajmet e fundit nga