web counter
LEXO PA REKLAMA!

SHKARKO APP

App Store
Google Play

"Lista më e mirë që i është paraqitur ndonjëherë Shqipërisë"/ Berisha, takim me vajzat dhe gratë

23 Prill 2025, 11:22, Politikë CNA

"Lista më e mirë që i është paraqitur

Kryetari i Partisë Demokratike ka zhvilluar një takim me vajzat dhe gratë.

Në fjalën e mbajtur, Berisha tha se lista me të cilën kandidon PD-ja në këto zgjedhje është lista më e mirë e paraqitur ndonjëherë.

Më tej kryedemokrati tha se një tjetër epërsi e tyrja është programi, i cili u jep përgjigje të gjitha problemeve madhore.

Berisha u shpreh se ky program ka pasur një impakt pozitiv në popull dhe është e sigurt që është i realizueshëm 100%.

“Lista më e mirë që i është paraqitur ndonjëherë Tiranës dhe Shqipërisë. Në këtë garë konkurrojmë me zonja të shquara, me një identitet të fortë dhe arritje të pamohueshme. Nuk kanë pasur ndonjëherë qytetarët e Tiranës një përfaqësi kaq të aftë për ta në Parlamentin e ardhshëm.

Epërsia tjetër është programi ynë, u japim përgjigje të gjitha problemeve madhore të krijuara nga keqqeverisja e asaj që e quan veten rilindje, por provohet e kundërta. Kemi projektin e Shqipërisë Madhështore, i cili fillon me paketën e dhembshurisë. Ky program ka pasur një impakt pozitiv dhe në tërësinë e tij, as kritikët absurdë, as kërkund nuk ka gjetur refuzim. Përkundrazi është pritur me kënaqësi, është e sigurt që ky program është 100% i realizueshëm”, tha Berisha./ CNA





Lajmet e fundit nga