web counter
LEXO PA REKLAMA!

SHKARKO APP

App Store
Google Play

Bordi i Transparencës po favorizon kompanitë e tregtimit?/ Përgjigjet Ibrahimaj

15 Nëntor 2022, 11:09, Politikë CNA

Bordi i Transparencës po favorizon kompanitë e tregtimit?/

Në konferencën për mediat, ministrja e Ekonomisë dhe Financave, Delina Ibrahimaj, u pyet nëse “Bordi i Transparencës po favorizon kompanitë e tregtimit të hidrokarbureve dhe se nuk po reflektohet çmimi i bursës".

Në fjalën e saj Ibrahimaj tha se sfidon këdo që do të vërtetojë akuzat.

“Bordi i Transparencës që përcakton çmimet e tregtimit të hidrokarbureve. Së shpejti do të bëhet një vit që po operon. Ju sfidoj që të vërtetoni atë që mediat kanë thënë në raste të përsëritura. Në bazë të interesave që në fakt janë inekzistente. Që në fillim të operimit të bordit kemi ulur marzhet e tregtimit të hidrokarbureve dhe këto efekte janë të matshme. I kemi ulur marzhet ndjeshëm më shumë se gjysmën e marzhit. Çmimet e bursës…ndërsa i referoheni naftës bruto që kanë luhatje të ndryshme nga çmimet e bursës nga e cila kompanitë shqiptare tregtojnë. Është edhe ecuria e kursit të këmbimit, që ju se merrni parasysh, hidrokarburet tregtohen në dollarë, leku shqiptar është zhvlerësuar ndaj dollarit. Një element i rëndësishëm është edhe kursi i këmbimit që kalkulohet çdo ditë. Në një rast, çmimi u rrit, dhe kursi i  këmbimit ishte favorizues… kur bëhet një analizë duhet bërë në të gjitha komponentët e saj.”- tha ministrja./CNA.al





Lajmet e fundit nga