web counter
LEXO PA REKLAMA!

SHKARKO APP

App Store
Google Play

Akuzat e PD-së për portin e Durrësit/ Rama: Janë prodhime të një tërbimi të madh "non-gratash"

15 Nëntor 2022, 10:38, Politikë CNA

Akuzat e PD-së për portin e Durrësit/ Rama: Janë prodhime

Në konferencen e zhvilluar me median për investimet në bono thesari Kryeministri Edi Rama ka folur rreth akuzave të PD-së per Portin e Durrësit. Rama u shpreh se akuzat janë një hava dhe një fatkeqësi e madhe kombëtare që vjen nga tërbimi i "non-gratave".

‘Së pari nuk kam qenë asnjëherë dakord e s'kam për të qenë kurrë dakord me këtë shenjën e barazisë. Ju mund ta vendosni shenjën e barazisë sa herë të doni, por unë s’jam dakord. Ka pasur akuza ju për ata ata për ju.

Unë nuk besoj se është ndonjë vështirësi e madhe të bëhet dallimi mes fatkeqësi e madhe kombëtare fatkeqësi e madhe kombëtare është financuar me para ruse gjysmë milioni dollarë për të rrëzuar qeverinë e PS kjo nuk është akuzë, por fakt i dokumentuar për fat të keq.

Një fakt i zbuluar nga media, në SHBA, nga media ndërkombëtare, i përqeshur gjerësisht nga shumëkush këtu dhe i konfirmuar nga raporti i Shërbimit Sekret Amerikan CIA.

Ndërkohë akuzat me serbë e me nuk e di tjetër, janë prodhime të një tërbimi të madh, një tërbim non gratash e spiunësh për investimin më të madh të huaj në rajon.

 Një investim që duhet e do jetë krenari kombëtare se do transformojë një herë e përgjithmonë industrinë e turizmit, do transformojë Durrësin, do rrisë vlerën e pasurive të patundshme të familjeve në gjithë zonën e Durrësit, do rrisë vlerën e çmimet e gjithë hotelerisë në gjithë zonën e Durrësit, do rrisë eksponencialisht punësimin, jo vetëm për Durrësin por dhe për Tiranën. Zinxhir ekonomik vlerë për mijëra fermerë.

Të ngresh akuza të tilla në hava është fatkeqësi e madhe kombëtare. Por e kemi bërë zgjedhjen, ne jemi në anën e dinjitetit e krenarisë kombëtare”, është shprehur Rama./CNA.al





Lajmet e fundit nga