web counter
LEXO PA REKLAMA!

SHKARKO APP

App Store
Google Play

Betimi i Donald Trump/ Fatmir Mediu, i ftuar në ceremoninë e inaugurimit

19 Janar 2025, 14:56, Politikë CNA
Betimi i Donald Trump/ Fatmir Mediu, i ftuar në ceremoninë e
Fatmir Mediu

Kreu i Partisë Republikane, Fatmir Mediu, është ftuar në ceremoninë e inagurimit të Presidentit Amerikan Donald Trump. Lajmin e ka njoftuar në rrjete sociale Mediu, krahas publikimit të fotove nga aktivitete të ndryshme që po mbahet para inaugurimit të 20 janarit, kur Trump do të hyjë zyrtarisht në Shtëpinë e Bardhë.

Atmosferë festive në Washington për inaugurimin e Presidentit Trump, edhe pse temperaturat janë të ulëta dhe për këtë arsye u anulua ceremonia e madhe dhe u vendos që do zhvillohet në dy pjesë, në Godinën qendrore të Kongresit ku do ketë një numër shumë të kufizuar dhe në Capital One Arena.

Dita e shtunë ishte një ditë intensive me pjesëmarrje në aktivitete të bukura festive, duke filluar me takimin për Heronjtë Amerikanë dhe veteranët e luftës i ftuar nga AG Texas Ken Paxton. Në këtë takim foli kandidati për Sekretar i Mbrojtjes, Pete Hegseth, një nga ideologët e MAGA Steve Banon dhe Prokurori i Përgjithshëm i Teksasit, Ken Paxton.

Në vazhdim me takime në Kongres, pritja në Yacht Liberty dhe në darkë me komunitetin e Texas organizuar nga Guvernatori Greg Abott të cilin e takova bashkë me miqtë e mi nga Dallas, Gino, Gëzim dhe Daki. Gjatë darkës u takova me Senatorin John Cornyn me të cilin prej vitesh jemi pjesë e Asamblesë Parlamentare të OSBE, Kongresmenin më të ri Brandon Gill, Kongresmenët Pete Sessions, Rony Jackson dhe Kong Chip Roy, të cilët do jenë pjesë e forumit të sigurisë që organizoj në Kongres në 5 shkurt si dhe Prokurorin e Përgjithshëm të TX Ken Paxton./CNA

 





Lajmet e fundit nga