web counter
LEXO PA REKLAMA!

SHKARKO APP

App Store
Google Play

E fundit!

x

Rama jep lajmin nga Korça/ “Do të ndërtohet qendra e parë turistike e skive në Shqipëri”

19 Janar 2025, 13:48, Politikë CNA
Rama jep lajmin nga Korça/ “Do të ndërtohet qendra e
Kryeministri Edi Rama

Kryeministri Edi Rama ka vizituar këtë të diel Korçën nga ku ka njoftuar se së shpejti do të ndërtohet qendra e parë turistike e skive në Shqipëri.

Sipas Ramës, kjo qendër do ta fusë zonën në hartën europiane të turizmit të skive. Rama tha po ashtu se mbi 160 bujtina janë aktualisht në qytetin juglindor, ndërsa turistët shtohen çdo ditë.

“Tani i ka ardhur radha qendrës së parë turistike të skive në Shqipëri, një projekt që do ta fusë Korçën në hartën europiane të turizmit të skive dhe do të ndezë një motor të ri me shumë kuaj fuqi në ekonominë e të gjithë këtij qarku ku lidhjet e rilindura rrugore me Kolonjën e Përmetin kanë sjellë një vlerë të shtuar në paketën e bukur turistike të kësaj zone. Mirë e më mirë dhe më e mira është e gjitha përpara për Korçën e të gjithë Shqipërinë”, tha Rama.


Për Korçën nuk kursen fjalët e bukura që sipas tij, në një dekadë ka ndryshuar tërësisht sa i përket turizmit.

“Korça bre Korça, këtë dimër si asnjë dimër 160 e kusur bujtina njëra më e bukur se tjetra, plot e përplot çdo fundjavë, rreth gjysmë milioni vizitorë e turistë që kalojnë të paktën një natë në Parisin e vogël gjatë vitit. Një dekadë më parë mezi i kalonin 50 mijë në vit dhe nuk kishte këmbë të huaji. Ndërkohë që bujtinat numëroheshin me gishta dhe mezi mbanin veten."/CNA





Lajmet e fundit nga