web counter
LEXO PA REKLAMA!

SHKARKO APP

App Store
Google Play

Vota e emigrantëve/ Bylykbashi ngre dyshime: Kështu grabitën edhe Bashkinë

18 Janar 2025, 21:33, Politikë CNA

Vota e emigrantëve/ Bylykbashi ngre dyshime: Kështu grabitën edhe

Emigrantët shqiptarë që jetojnë jashtë kufijve të Shqipërisë do të kenë për herë të parë mundësinë për të votuar në zgjedhjet parlamentare të 11 majit. Procesi i regjistrimit nga KQZ ka nisur, teksa opozita ka pretendimet e saj në lidhje me transparencën e këtij procesi.

Në një dalje televizive, Oerd Bylykbashi ngriti shqetësimin në lidhje me kartat e identitetit dhe fakti se atyre që iu ka skaduar ajo nuk mund të votojnë. Bylykbashi, kërkon një tolerancë në lidhje me kartat e identitetit duke qenë se janë 600.000 shqiptarë që i kanë të skaduara.

“Ndërkohë që ligji është i ashpër dhe thotë kush ka dokument të vlefshëm mund të regjistrohet. Një pjesë e madhe e kanë të skaduar dokumentin. Ne për fat na thotë ODIHR që 600 mijë persona i kanë dokumentet e skaduara.

Kjo është detyra e qeverisë. Në 2021 dhe 2023 në një situatë të ngjashme nxori një vendim për zgjatjen e afatit të vlefshmërisë së dokumentit të skaduar vetëm për të votuar. Në Himarë lanë 6000 veta pa votuar dhe e grabitën bashkinë.

Duhet qeveria të miratonte në para 11 janarit një akt për të zgjidhur problemin. Kushtetuta thotë që shtetasit shqiptarë kanë të drejtën e votës.

PS do të lerë jashtë ata që nuk kanë dokumente dhe të rinovojë vetëm ato që ka në patronazhim. Ministria ka nxjerrë konsullatat e lëvizshme, diçka e jashtëligjshme. Ja çojnë vetëm atyre që duan”, u shpreh Bylykbashi.

 





Lajmet e fundit nga