web counter
LEXO PA REKLAMA!

SHKARKO APP

App Store
Google Play

Berisha: Pse i dhashë merita deputetëve të grupit të Bardhit

7 Shtator 2023, 21:14, Politikë CNA
Berisha: Pse i dhashë merita deputetëve të grupit të Bardhit
Ish-kryeministri Sali Berisha

Ish-kryeministri Sali Berisha foli sërish për mbledhjen e 43 deputetëve, të thirrur nga Gazment Bardhi.

Për Berishën, mbledhja e deputetëve të opozitës ishte hap i rëndësishëm, për qëllime madhore që kapërceu problematikat.

Ish-kryeministri mohoi të ketë pasur ndonjëherë çarje përfundimtare me PD-në e drejtuar nga Gazment Bardhi, të cilën e konsideroi një grup të rëndësishëm të deputetëve.

Ai deklaroi në një intervistë me Çim Pekën se deputetëve të grupit të Bardhi i dha merita për shkak se pranuan primaret dhe kandidatët e primareve.

“Mendoj se mbledhja ishte një zhvillim i rëndësishëm, ishte një hap i natyrshëm në drejtimin e duhur dhe i rëndësishëm në disa aspekte. Kjo mbledhje e thirrur nga Gazment Bardhi, kapërcej mbi problematikën, e cila ka ekzistuar, nuk mund të themi se nuk ka ekzistuar, por kapërcej mbi këtë problematikë për qëllime dhe objektiva shumë më të mëdha. Dua të shpreh këtu që të jemi korrekt, deputetët që drejtohen nga Gazment Bardhi kanë meritën e padiskutueshme të cilën unë e kam shprehur në mënyrë të përsëritur sepse ata pranuan primaret dhe kandidatët e primareve.

Me këtë akt, ata dëshmuan mbështetjen tek liria, vota e lirë në gjirin e PD-së. E kam thënë që atëherë dhe e them përsëri, që ky akt programor në themele të PD-së, ishte një kontribut dhe investim i madh që ata bënë. Ka patur, padiskutim kundërshtira, probleme, por në tërësi ata deputetë që ju patë të mbledhur së bashku, plus disa të tjerë që nuk ishin dhe të tjerë që mund të bashkohen, janë deputetët e PD-së dhe ky ishte një zhvillim shumë pozitiv. Ju shtruat problemin se çfarë do të bëhet në të ardhmen? Takimet do të vazhdojnë në mënyrë që tu japin përgjigje të gjitha problemeve që presin të zgjidhjen, po me këtë vullnet të mirë, shkallë përgjegjësie dhe gatishmëri”, theksoi ai./ CNA





Lajmet e fundit nga