web counter
LEXO PA REKLAMA!

SHKARKO APP

App Store
Google Play

E fundit!

x

Bardhi: PD do të jetë fituese në zgjedhjet e 2025-ës

18 Shkurt 2024, 12:08, Politikë CNA
Bardhi: PD do të jetë fituese në zgjedhjet e 2025-ës
Kryetari i Grupit parlamentar të PD-së, Gazment Bardhi

Kryetari i Grupit parlamentar të PD-së, Gazment Bardhi, ka mbledhur paraditen e kësaj të diele, strukturat e PD-së në Devoll.

Bardhi foli për rezultatin e dobët në zgjedhjet vendore të opozitës, teksa u shpreh se nuk ishte ai që ne prisnim.

Megjithatë, ai shprehu bindje se në zgjedhjet parlamentare të vitit 2025 PD do të dalë fituese.

“Ju kaluat të gjithë bashkë para disa muajsh, një betejë krejtësisht të pabarabartë; luftuat me kryetarin dhe kandidatin tonë për zgjedhjet vendore, ishit pa dyshim të gjithë të bashkuar rreth kandidatit dhe ditët të rezistoni dhe të përballeni.

Edhe pse rezultati nuk ishte ai që ne prisnim, unë shoh sot vendosmërinë tuaj për të mos u dorëzuar, vendosmërinë tuaj për t’u forcuar, vendosmërinë tuaj për t’u përballur, vendosmërinë tuaj për të fituar në zgjedhjet e ardhshme të vitit 2025.

Dhe ky pa dyshim është një frymëzim dhe na jep edhe neve atje lart në Tiranë, kurajë që ekzaktësisht këtë vendosmëri që gjejmë në Devoll ta shtrijmë në të gjithë Shqipërinë dhe të gjitha shanset dhe mundësitë janë pas aktit të ditës së hënë dhe sigurisht asaj që ndodhi të premten me bashkimin e koalicionit opozitar, që nëse ne nisim punë që sot, derë më derë, fshat më fshat, qytet më qytet dhe arrijmë të fitojmë mendjen dhe zemrën e qytetarëve të ndershëm të këtij vendi, që pa dyshim janë shumicë dhe janë njëlloj si të vendosur të përballen, Partia Demokratike e Shqipërisë, opozita e bashkuar, duhet dhe do të jetë fituese në zgjedhjet e 2025-ës”, theksoi kreu i Grupit parlamentar të PD-së./ CNA





Lajmet e fundit nga