web counter
LEXO PA REKLAMA!

SHKARKO APP

App Store
Google Play

Akuzat e SPAK për Veliajn/ Berisha: Dënohet nga 25 deri në 40 vite burg

29 Dhjetor 2024, 21:30, Politikë CNA

Akuzat e SPAK për Veliajn/ Berisha: Dënohet nga 25 deri në 40

Gjatë takimit me degën Nr.8 në Tiranë, kreu i Partisë Demokratike Sali Berisha ka folur për skandalet e kryebashkiakut të Tiranës Erion Veliaj dhe akuzat që rëndojnë ndaj tij.

Berisha tha se për veprat penale që akuzohet Veliaj mund të përfundoj nga 25 deri në 40 vite burg.

Gjatë hetimeve nga SPAK ka rezultuar se edhe familjarët e Veliajt janë të njollosur në vjedhje dhe për këtë Berisha thotë se është vetëm maja e ajsbergut.

"Ne jemi njerëz të betejave të fituara, dhe do ta përdorim këtë, për të bërë për vete zemrën dhe mendjen e çdo shqiptari. Tani, doli dosja tjetër. Dosja familjare, ku janë vërsulur me nuse, me krushkë, me këtë, me atë, me kushërinj, me të gjithë. O burra, se deti u bë kos dhe të vjedhim ditë e natë Bashkinë.

Këtu, pastaj doli dikush tjetër dhe tha: kjo nuk mund të shkojë më tutje. Telefonat, nuk e përfshinin Ramën në këtë dosje. Dhe ky, tani gjer sot, ua them këto, se ju luftuat, nuk u lodhët, nuk u mposhtët, nuk u tërhoqët. Por gjer sot, akuzë të rëndë në 32 vite, as në Shqipëri, ndofta dhe në Europë, janë shumë të rralla.

4 vepra penale për të cilat ai, shkon nga 25, gjer në 40 vite burg. Dhe ju garantoj se, këto janë vetëm maja e ajsbergut. Se aty, në hetuesi, aty domethënë, flitet për krimet më të rënda. Këto që kanë në siëprfaqe, muk janë gjë krahasuar me ato të cilat janë gjetur në llogaritë bankare të fshehta, në video, në telefona, në të gjitha këto.

Pra, ju luftuat më të keqen, fituat. Nga Amerika ai, ose vjen i paketuar, ose vjen vet dhe shkon drejt e në burg. Një nga të dyja. Ka marrë fund ajo!"/CNA





Lajmet e fundit nga