web counter
LEXO PA REKLAMA!

SHKARKO APP

App Store
Google Play

A ndikuan incidentet dhe problematikat zgjedhore në rezultatin e 11 majit?

12 Maj 2025, 20:25, Politikë CNA

A ndikuan incidentet dhe problematikat zgjedhore në rezultatin e 11 majit?

Pas përfundimit të procesit të votimit dhe me të dhënat e deritanishme nga zgjedhjet parlamentare të 11 majit, ajo çka vihet re është rezultati në rang kombëtar.

Gjatë 24 orëve të këtyre proceseve ka pasur problematika të caktuara, pasi janë regjistruar tensione e incidente në disa zonat të vendit, si në Tiranë, Vorë, Lushnjë, Pogradec dhe bllokime të pjesshme në Dropull.

Të gjitha janë nën hetim nga Prokuroria dhe autoritetet policore kanë shoqëruar disa persona, ndër të cilët, 3 persona pas incidentit pranë gjimnazit “Petro Nini Luarasi” në një zyrë të paligjshme, 2 persona në Pogradec, ndërsa nga tensionet në Vorë u procedua në gjendje të lirë një përfaqësues partiak.

Gjithashtu, u shënuan disa raste të fotografimit të fletëvotimit dhe votës për arsye të dyshimta, që pasoi me shoqërimin dhe vënien në pranga të disa shtetasve në zona në Tiranë dhe Elbasan.

Në fund, lind vetëm një pyetje: a e rrëzojnë këto problematika besueshmërinë e rezultatit zgjedhor?

Një mendje e ftohtë do të thoshte jo. E kjo jo vetëm për faktin se fitorja e socialistëve është e thellë.

Nuk është se ishte e papritur, por për faktin se të tilla problematika do të sjellin shumë pak, për të mos thënë aspak, peshë në rezultatin final të zgjedhjeve.

E rëndësishme është që problematikat janë sa aq vogla sa nuk ndikojnë në rezultatin final. Dhe këto zgjedhje treguan se problematikat e konstatuara nuk ndikojnë ose nuk japin një verdikt ndryshe nga ai që ka dhënë sovrani./CNA





Lajmet e fundit nga