E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Tentative e kotë për një bashkim fallco të PD

25 Korrik 2023, 21:54, Opinione Myslim Murrizi

Ka pak kohë që shoh një tentativë të kotë për një bashkim fallco të PD

Habitem shumë edhe me qendrimet evazive të Berishës, Nokës, Palokës dhe të kryesisë, si qendrime servile, frikacake dhe prej dhjaksi ndaj një grushti të vogël frymorësh që janë edhe 1 vit të punësuar në Kuvend si Deputet

Luli , Enkeledi, Orjola, Kreshniku, Flutura dhe disa individë që realisht nuk përfaqësojnë asgjë por që kanë ardhur në PD dhe janë bërë deputet me lëpirje apo me pagesë, nuk i lën ata që i komandojnë dhe nuk janë të lirë të vendosin vetë për asgjë

Liria është “ frut” që shumë shumë pak njerëz dhe pothuajse fare pak politikan ja kan provuar shijen

Për Gaz Bardhin dhe grupin e tij prej 5-7-9 apo sado që të jenë, ka vetëm një rrugë

Që të pranojnë se e gjithë “ beteja” e tyre kundra Berishës dhe Demokratëve ka qenë një betejë për karrierë personale dhe dështuan në 6 mars 2022, dështuan në 14 maj 2023, të kërkojnë ndjesë publike dhe të kërkojnë kthimin e tyre tek grupi i “ non gratave” siç e kanë quajtur prej 9 shtatorit 2021

Por që të jenë të besueshëm duhet që qysh nesër Z Bardhi ti dërgoj letër Zj Nikolla si kryetar i grupit parlamentar ku të anullojë të gjitha përjashtimet e Deputetëve të Rithemelimit dhe të deklaroj se grupi parlamentar që ai është sot kryetar përbëhet nga të gjithë deputetët e zgjedhur nën siglën PD me 25 prill 2021 perveç grupit të Bashës dhe 9 deputetëve të aleatëve

Ndryshe kjo është një lojë e pistë që në këtë vapë të nxehtë qelbet era hale

Çdo tentativë tjetër për të treguar se janë mendër parimore, statutore apo dashnore të rregullit, statutit, rregullores, janë përpëlitje për interesa të ndyra personale të ruajtjes së karrikes së qelbur të deputetit pa pikë dinjiteti

Po dëgjoj që ka mendime apo inisiativa që të firmosin edhe deputët të përjashtuar nga Luli , Gazi dhe Enkeledi para se të ziheshin mes vetes për vulën tek grupi që sot është rreshtuar me Gaz Bardhin

Nëse kjo ndodh për çdo lloj aresye atëhere të jeni të bindur që kjo tregon një zbythje nga frika te 17 deputetëve që kanë qenë të përjashtuar pse mbeshtetët Berishën dhe foltoren dhe kjo do të sjellë një rënie drastike të besimit dhe moralit të kësaj “beteje” e cila në fakt i bie të jetë një pazar i ndyrë i disa njerëzve të vegjël dhe të pistë që mendojnë vetëm për interesin e tyre personal të karrierës së qelbur politike.

Ju garantoj që kjo levizje do tu nxjeri lakuriq para të gjithë Opozitarëve që kanë luftuar, kanë besuar, kanë mbështetur dhe kanë votuar nga shtatori 2021 e deri më sot Berishën, dhe kanidatët e Tij më 6 mars e më 14 maj.

Akoma me keq nëse do të nxiten apo shtyhen anëtarë të këshillit kombëtare të dalë nga Kuvendi Kombetar i datës 30 prill 2022 që të firmosin si firmëtarë tek antarët e një këshilli kombëtar inekzistent për të penguar farsën e 29 korrikut ku Basha rikonfirmohet kryetar i asaj tufe vemjesh

Kushdo që mund ta ketë menduar këtë “ skemë” ose ka çarë satokartin dhe ka rrjedhjë vaji e ka djeg motorrin, ose është pjesë e një pazari të pistë që luan me dy porta nga frika e nga interesi i tij personal

Atëherë po të jete kështu kujt kryesie, kujt këshilli kombetar dhe kujt sekretari të pergjithshem duhet ti besojnë 507 mij votuesit opozitare të datës 14 maj???

Ti besojmë Flamur Nokes apo Gazmend Bardhit si sekretare i përgjithshëm????

Në këto kushte ku ndodhet OPOZITA, çdo vendim apo veprim prej frikacaku apo zbythje prej dhjaksi, e shkatërron edhe këtë bërthamë të opozitës që ka dy vjet përballje me shtetin me pushtetin dhe me ambasadorët duke besuar se janë luftuar e sulmuar padrejtësisht.

Koha ka ardhur që të flasim TROÇ të gjithë e të mos belbezojmë kulisave.

Brenda muajit Shtator duhet krijuar OPOZITA REALE me emër, logo, vulë, steme dhe INDIVIDË OPOZITARË kurajoz, jo hajdutë, jo hipokritë jo dhjaksa e frikacak interesaxhinj të vegjël që pazaret na i shesin si marrëveshje.

Duhet tu themi TROÇ OPOZITAREVE dhe SHQIPTAREVE që vulën, logon, stemën dhe simbolet e PD nuk na i ka marë me “ force” Luli , Enkeledi, Jemini apo Gazi deri dje, por na i ka marë Qeveria e Ramës me dakortësinë e administratës së sorrosit që prej vitesh qeveris Ameriken.

Duke mashtruar që na i ka marë Luli dhe disa spurdhjake pas tij, po i bëjmë ata të “ fortë” me zor dhe faktore fallco

Ndaj asaj vule, asaj logoje, asaj steme nuk i duhet shkuar nga pas për hatër të inatit, ndjenjës së unit apo bajraktarizmit sepse ajo është nisur për në det, e ne nuk besoj që do mbytemi të gjithë për të kapur një vulë që prej 2019 kur u dogjën mandatet dhe u falën 60 bashki, u shit tek pushteti.

Partitë Politike nuk i bën vula të fortë dhe të rëndësishëm por i bëjnë NJEREZIT me vizion, të ndershëm, të besueshëm , kurajoz, me karakter, e me dinjitet që nuk bëjnë pazar për karriken e qelbur të tyre e që nuk janë peng i pushtetit të radhës.

Koha është në limit

Ndaj çdo sorollatje ndikon në shkaterrimin total të opozitës dhe për këtë përgjegjësi mbajmë të gjithë pamvarsisht se kush më shumë e kush më pak

Heshtja apo servilizmi për të patur një karrike të qelbur si deputet,e çoi në këtë pikë PD dhe opozitën

Ju garantoj që pazari i Bashës me Ramën nën mbikqyrjen e tutorit të tyre të përbashkët do të ndryshoj ligjin zgjedhor.

Shqipëria do të jetë 1 zonë zgjedhore dhe listat e hapura.

Kështu që çdo ëndërr e kujdo spurdhjaku për të qenë Deputet nëse nuk ka vlera, besueshmëri dhe mbështetje tek Qytetarët, është ëndërr si ajo e gomarit kur po e hante ujku.

Ndaj sa me shpejt të jemi më këmbë në tokë e me mendjen në kokë, aq më shumë shpresë mund të ngjallim tek Shqiptarët për zgjedhjet 2025 ( nëse Rama nuk i bën ato në mars-prill 2024)

Ndryshe rezultati i zgjedhjeve të ardheshme do të jetë katastrofë

E di që kur flet hapur dhe troç bën shumë “ armiq” por as më plas fare dhe nuk kam ndërmend të ndryshoj kurrë

Në komunizëm kush fliste fshehurazi, dënohej hapur, ndërsa në këtë mender demokracie prej 33 vitesh, kush flet hapur dënohet fshehurazi nga qentë që lehin e kafshojnë pas shpine./CNA.al/